შინაგანი რწმენა თუ არ გექნება, ცხოვრება გვერდით ჩაგივლის

ადამიანებს ყოველთვის არ სურთ სამოტივაციო სიტყვების მოსმენა.ზოგჯერ  წუწუნი და უიმედობა ყველაფერს ურჩევნიათ. თავს კომფორტულად  გრძნობენ თუ პლედში გაეხვევიან და უიმედო ფიქრებს მიეცემიან, მაგრამ თუ გიფიქრია, რამდენი ხნით  გაქვს  უფლება,ასე მოექცე საკუთარ თავს?! სხეულს და სულს შეგვიძლია მივცეთ უმოქმედობის მხოლოდ ერთი საათი,ისიც მხოლოდ იმიტომ,რომ  ჩავუღრმავდეთ საკუთარ თავს და გავიგოთ რა გვსურს სინამდვილეში! ჩვენ უმოკლეს დროში უნდა გავაცნობიეროთ,რომ  დროს ფუჭად ვკარგავთ.ნამდვილად არ არის  ხანგრძლივი თერაპიების დრო ახლა.უმოქმედობა ეს დასასრულია. არ უნდა ჩამოვუშვათ ხელები,ჩვენ ხომ  არაფერი შეგვიქმნია ჯერ!

ხშირად სამყარო გვეხმარება ხელი შეგვიწყოს ოცნებების ასრულებაში,მაგრამ ზოგჯერ პირიქით ხდება. თითქოს გიპირისპირდება,უამრავი დაბრკოლება გეღობება წინ და ფიქრობ,რომ შენს ოცნებებს ვერასოდეს შეასხამ ფრთებს. მაგრამ თუ შინაგანი რწმენა არ გექნება ცხოვრება გვერდზე ჩაგივლის. არ მოვლენ მომავლიდან აგენტები და არ გეტყვიან შენ საუკეთესო ხარ, შენ ყველაფერს საუკეთესოს იმსახურებ,ამაში შენ თავად უნდა დაარწმუნო მთელი სამყარო.რადგან სამყაროს მოსწონს მებრძოლები, მას ყოველთვის აღაფრთოვანებდა რაინდები და ახლაც იგივე ფასეულობები აქვს.

ხშირად ვფიქრობ, რატომ გვჭირდება გამუდმებით  იმის შეხსენება,რომ ოცნებებისთვის უნდა ვიბრძოლოთ.რატომ გვჭირდება გამუდმებით ბრძოლა ოცნებებისთვის?

ალბათ იმიტომ,რომ სწორედ იმაშია ცხოვრების მუღამი –  როდესაც საკუთარი ხელით აშენებ – შენს სახლს,შენს მდინარეს.

დადუნა ნადარაია

ავტორი: დადუნა ნადარაია

მე ვარ დადუნა ნადარაია – ჟურნალისტი, ბლოგერი და პუბლიცისტი. მიყვარს სამოტივაციო სტატიების წერა, მოგზაურობა და წიგნები. ძალიან მინდა ადამიანებმა ჩემს ირგვლივ და მთელს სამყაროში დაიჯერონ რომ არიან განსაკუთრებულები და შეუძლიათ წარმატების მიღწევა.ჩემი დევიზია "იმუშავე მაშინაც კი როდესაც სხვებს სძინავთ."

აჩუქეთ სამყაროს თქვენი ‘’დისნეილენდი’’

ტბის პირას ფინჯანი ყავით დაწყებული დილა