ჟენევა ერთჯერადი გამოყენების პლასტმასის მოხმარებაზე ჯარიმებს აწესებს

შვეიცარიის სიდიდით მეორე ქალაქი 2020 წლის 1 იანვრიდან ჯარიმებს აწესებს პლასტმასის ერთჯერად პროდუქციაზე. კანონდამრღვევი დაჯარიმდება 100 ფრანკით.

ჟენევა 2020 წლის 1 იანვრიდან ახალი ცხოვრების დასაწყებად ემზადება, – ის კრძალავს სალაროებში უფასო ერთჯერადი პოლიეთილენის პარკების გაცემას, აკრძალვა ასევე ეხება პლასტმასის ჭიქებს,თეფშებს, კოქტეილის საცობებს და საწრუპ ჩხირებს. ის ვინც დაარღვევს კანონს, ქალაქის ბიუჯეტს 100 ფრანკით შეავსებს (100 დოლარზე მეტი), იუწყება პორტალი The Local.

არსებული ინიციატივის შესახებ ქალაქის მთავრობამ ჟენევის ყველა სავაჭრო ორგანიზაციას აცნობა.
ეს ღონისძება-მხოლოდ ნაწილია მათი მთავარი გეგმის, რომლის მიზანია 2024 წლისთვის ნარჩენების 25%-ით შემცირება.

2019 წლის  მარტში ევროპარლამენტმა მიიღო კანონპროექტი, რომლის მიხედვითაც 2021 წლისთვის, ევროპა მთლიანად უარს იტყვის ერთჯერადი მოხმარების პლასტმასის საგნებზე. ასევე, 2029 წლისთვის, ევროკავშირის  EU ქვეყნები აპირებენ უზრუნველყონ გამოყენებული პლასტმასის ბოთლების 90%-ის შეგროვება, ხოლო  2025 წლისთვის, მათი მინიმუმ მეოთხედის (25%) წარმოება უნდა მოხდეს გადამუშავებული ნედლეულისგან.

B2PGE

ავტორი: B2PGE

ჩვენ მაქსიმალურად ვცდილობთ ხელი შევუწყოთ პოზიტიურ აზროვნებას, დავთესოთ ჩვენს საზოგადოებაში კეთილი მარცვლები, მეტი წარმატების ნაყოფის მოსატანად და ამაში ჩვენ მთელ სულს და გულს ვდებთ.

მიეცი საკუთარ თავს უფლება – იცხოვრო რეალობაში

როგორ ვიმუშაოთ სახლიდან ბავშვებთან ერთად