სამოტივაციო ფილმი “თავისუფლების მწერლები”

ახალგაზრდა ერინ გრიუველი ინგლისური ენის სპეციალისტია, რომელიც 90-იან წლებში მუშაობას იწყებს კალიფორნიის ქალაქ ლონგ-ბიჩის საშუალო სკოლაში, სადაც სწავლობენ ძნელად აღსაზრდელი და კრიმინალისკენ მიდრეკილი მოზარდები, თუმცა ამის მიუხედავად, ერინი ძალისხმევას არ იშურებს იმისათვის, რომ მოსწავლეებს სწავლისადმი ინტერესი გაუღვივოს. მართალია, ასეთ სამყაროში გაზრდილი მოზარდების დაინტერესება საკმოდ რთულია, მათთვის არც ინგლისური ენაა მშობლიური, მაგრამ ერინს უყვარს თავისი პროფესია და ამასთანავე გრძნობს უდიდეს პატივისცემას და სიყვარულს თავისი აღსაზრდელების მიმართ.ყველაფერთან ერთად ლონგ -ბიჩი ცნობილია თავისი ბანდიტური ტრადიციებით, ასეთ სამყაროში კი ბევრი მოზარდი იტანჯება,ისინი ძალადობის მსხვერპლი არიან ოჯახში,ქუჩაში თუ საზოგადოებაში.თუმცა მისის ერინი მოახერხებს მათთვის საყვარელ ადგილად აქციოს სკოლა და მოსწავლეების ნამდვილი მეგობარი ხდება.

ერენი ძალიან ხშირად ესაუბრება მოსწავლეებს იმ ცვლილებებზე,რომელიც თითოეულმა ადამიანმა უნდა განიცადოს. „შინაგანი ხმა, რომელიც გეუბნებათ, ამას ვერ შევძლებო,სამუდამოდ გაჩუმდება და ყველაფერი, რაც ხელს გიშლით ცვლილებაში, სამუდამოდ გაქრება.ის პიროვნება, რომელსაც აქამდე წარმოადგენდით არსებობას შეწყვეტს. დაიბადება ახალი ადამიანი.“

განსაკუთრებით საინტერესოა ერენის სწავლების მეთოდი.ის მოსწავლეებს ხშირად ესაუბრება ცვლილებებზე, წარმატებასა და წინსვლაზე და ასევე პრაქტიკულად ცდილობს აჩვენოს ახალგაზრდებს, თუ როგორ გახდნენ წარმატებული და ირწმუნონ საკუთარი შესაძლებლობები. ახალგაზრდა მასწავლებელი მოსწავლეებს შთააგონებს ისწავლონ ტოლერანტულობა, რადგან შეესძლონ არაძალადობის გზით განსხვავებული კულტურის, რასის, სქესის და რელიგიის მქონე ადამიანებთან ეფექტური ურთერთობების დამყარება. ერენი მოუწოდებს მოსწავლეებს იმუშაონ საკუთარ თავზე და სკოლის დამთავრების შემდეგ სწავლა განაგრძონ. თავად ყიდულობს მოსწავლეებისთვის წიგნებს და ცდილობს თითოეული მათგანის გულამდე სწორად მიიტანოს კლასგარეშე საკითხავი ლიტერატურა.

ერენის მიერ შერჩეული წიგნები კი მოზარდებზე სასიკეთოდ მოქმედებს და მათი სულიერ სამყაროც ადვილად იცვლება უკეთესობისკენ. მოსწავლეების მიმართ ერენის მეგობრული დამოკიდებულება და სწავლების განსხვავებული მოდელი აღაშფოთებს სკოლის პედაგოგებს,თუმცა შემდგომ ერენის მონდომება და შრომა ფასდება და ის უდიდესი პატივისცემით სარგებლობს სასწავლებელში.

მისის გრიუველისთვის თითოეული მოსწავლე უნიკალურია.სწორედ ეს არის პედაგოგის უმთავრესი მისია – აღმოაჩინოს მოსწავლეების განსაკუთრებული თვისებები და ხელი შეუწყოს მათი, როგოც პიროვნებების სწორად ფორმირებას.ერინი შესძლებს მოსწავლეები გახდნენ გულახდილები, ირწმუნონ საკუთარი თავის და რაც მთავარია, დაიჯერონ სამართლიანობის გარდუვალობა სამყაროში. მის დუელმა და მისმა მოსწავლეებმა დაარსეს თავისუფლების მწერალთა ფონდი,რომლის საშუალებითაც ცდილობენ 203 კლასის წარმატების საიდუმლო სხვა სკოლებისთვისაც გაეზიარებინათ.

საინტერესოა,რომ თავად მოსწავლეები გახდნენ თავისუფლების მწერლები. რადგან მათ საკუთარი ამბავი და ხმა გააჩნდათ და უკვე ბავშვები აღარ იყვნენ,აწარმოებდნენ დღიურს,რომელშიც ირენის დავალებით პირადი ცხოვრებისა და პრობლემების შესახებ წერდნენ. ამიტომ 1999 წელს გამოიცა თავისუფლების მწერალთა დღიურები.თავისუფალ მწერალთაგან ბევრი პირველი იყო ოჯახში, ვინც სკოლის დამთავრება და სწავლის გაგრძელება შესძლო.

ჩვენ კი ადვილად შეგვიძლია შევუერთდეთ თავისუფლების მწერალთა გუნდს. პირველ რიგში ვუყუროთ ფილმს და შემდეგ კი, თუ მოულოდნელად აღმოვაჩენთ, რომ თითოეულ ჩვენთაგანს გვაქვს ჩვენი ამბები და ისტორიების გაზიარებას შევძლებთ ერთმანეთისთვის, ადვილად გავხდებით თავისუფლების მწერლებიც კი.

ავტორის შესახებ

B2PGE
B2PGE 1577 posts

ჩვენ მაქსიმალურად ვცდილობთ ხელი შევუწყოთ პოზიტიურ აზროვნებას, დავთესოთ ჩვენს საზოგადოებაში კეთილი მარცვლები, მეტი წარმატების ნაყოფის მოსატანად და ამაში ჩვენ მთელ სულს და გულს ვდებთ.

ავტორის ყველ სტატიის ნახვა →

თქვენ ასევე დაგაინტერესებთ

სიმდიდრის 10 ნიშანი

1. პასუხისმგებლობის გრძნობა ჩვენ პასუხისმგებელი ვართ საკუთარ ცხოვრებაზე. ყოველი ჩვენგანი პასუხისმგებელია იმაზე, რაც გვაქვს, ყველაფერ კარგსა და ცუდზე. ყველაფერი რაც გვაქვს, წარმოადგენს მხოლოდ ჩვენი საქმიანობის შედეგს. მდიდარ ადამიანსაც ესმის ეს.

ოლივია ჯოულიზის რამოდენიმე ცხვორებისეული წესი

1. არ გაბრაზდე. პანიკის გარეშე. შეჩერდი, ღრმად ისუნთქე, იფიქრე. 2. არავის აქვს შენი დარდი. ყველას თავისი საქმე აქვს, ზუსტად ისევე, როგორც შენ. 3. მნიშვნელოვანი მოვლენის წინ არასოდეს შეიჭრა და შეიღებო

OrangeSanta-ს 2014 წლის საფეხბურთო კლიპი!

მსოფლიო საფეხბურთო ჩემპიონატი 2014 — ფიფა-ს მსოფლიო თასის მე-20 გათამაშება, რომელიც ბრაზილიაში ტარდება.   საქართველოს ბანკი მოუწოდებს ფეხბურთის მოყვარულებს: “უგულშემატკივრეთ საყვარელ გუნდს, ისიამოვნეთ ფეხბურთით და გაუზიარეთ ეს კლიპი ყველას!”

ბიჭმა კინოში შეყვარებულს ხელი ორიგინალურად სთხოვა!

ის ფიქრობდა, რომ უბრალოდ კინოში წავიდოდა შეყვარებულ მამაკაცთან ერთად, მაგრამ ამ დღემ მისი ცხოვრება შეცვალა! თითქოს იოლია საყვარელ ქალს ხელი სთხოვო. შეხვდე რესტორანში, ივახშმო, ბეჭედი მიიტანო ლამაზი კოლოფით, პიჯაკში გამოეწყო

7 რამ, რაც საიდუმლოდ უნდა შეინახოთ

აღმოსავლური კულტურის მკვლევარმა ვიაჩესლავ რუზოვმა თავის მორიგ სტატიაში გამოიყენა ინდოელი ბრძენების გამოცდილება. ის მსჯელობს იმაზე, თუ რა არის საიდუმლო და რისი თქმა არ ღირს საჯაროდ. B2P.GE-ის რედაქციამ გადახედა ამ ჩამონათვალს

როგორ განვთავისუფლდეთ ნეგატიური ფიქრებისგან

დაიმახსოვრეთ და გამოიყენეთ ეს წესები: 1) მეთოდი – შეწყვეტა როგორც კი იგრძნობთ, რომ თქვენს ცნობიერებაში ნეგატიური ფიქრი წარმოიშვა, უბრალოდ შეწყვიტეთ ფიქრი. არა არის საჭირო მისი გაანალიზება, კამათი, მისგან თავის დაცვა