არასდროს ვივიწყებ ვინ ვარ

სადაც არ უნდა წავიდე, როგორც არ უნდა შევიცვალო, რამდენი განსაცდელიც არ უნდა შემემთხვეს და პირიქით, რამდენ მწვერვალზეც არ უნდა ავიდე, არასდროს მავიწყდება პოზიტიური სიტყვების ძალა. არ მავიწყდება ჩემი საყვარელი საქმის კეთება – თქვენთვის სამოტივაციო სიტყვების გაზიარება. ამის გაკეთება ყოველთვის არ არის ადვილი. ზოგჯერ ის ადამიანებიც, რომლებიც სამოტივაციო სიტყვებს წერენ დიდ ტკივილს განიცდიან, მაგრამ არც მე ვნებდები განსაცდელს. დილით იმიტომ არ ავმდგარვარ, რომ პესიმისტური სიტყვებით ვწერო, ასეთ სიტყვებს არასდროს აქვთ ძალა. სამყაროში მხოლოდ ის ადამიანები იმარჯვებენ, რომლებიც ძლიერები არიან.რომლებიც ებრძვიან ტკივილს, სევდას, უიმედობას, ავადმყოფობას და იმარჯვებენ. ასეთი ადამიანები ქმნიან საკუთარი თავის შესახებ ბეთსელერებს. მეც მინდა ასეთი ვიყო.
მე ვცდილობ ვიყო ძლიერი ადამიანი. პრობლემებს როდესაც ვეჯახები არ ვივიწყებ ვინ ვარ. არ მავიწყდება ჩემი ოცნებები. მათზე არასდროს ვიტყვი უარს. ვიცი, ცხოვრება რთულია და ხშირად გვაყენებს დარტყმებს, მაგრამ მე შემიძლია მივიღო გამოწვევები მისგან. მე ვალდებული ვარ ასე მოვიქცე- საკუთარი თავის მიმართ.
ვიცი, ადამიანები რატომ განიცდიან მარცხს. ისინი როგორც კი დაბრკოლებებს ხვდებიან, მაშინვე უკან იხევენ. ამბობენ,რომ ოცნებები არასდროს აუხდებათ. სიცოცხლის ბოლო წუთამდე უნდა იბრძოლო, მხოლოდ ეს ყოფილა მნიშვნელოვანი. წარსულის მიღწევებით ვერ იამაყებ, მთავარი აწყმოა.
ამ ჩანაწერს მთელი გულით ვწერ. გულის უდიდეს ნაწილს ამ სიტყვებს ვატან შენამდე. ამიტომ აქვს ჩემს ნაწერს ძალა, ეს სიტყვები რეალურია, არ არის გამოგონილი, ამიტომ აქვს მათ ძალა. შეიძლება ხვალ უკეთესი ადგილიდან გესაუბრო, ვიდრე დღეს ვარ. ამ ჭაობში არ არის ადგილი შენთვის, მაგრამ სამყარო ცვალებადია, ყველაფერი იცვლება, ამიტომ მე მჯერა უკეთეს ადგილას შევხვდებით ერთმანეთს.