საქმიანი სატელეფონო ეტიკეტის ოქროს წესები

ცნობილია, რომ სამუშაო დროის 4-25 პროცენტი იხარჯება საშუალოდ საქმიან საუბრებზე და იმ შემთხვევაში, თუ ტელეფონი მუდმივ სამუშაო იარაღად ითვლება, ეს რიცხვი 90 პროცენტზე ადის.

როგორ მოვახერხოთ, რომ სატელეფონო საუბარი გახდეს უფრო ეფექტური და პირდაპირი? 

ამისათვის არსებობს ტელეფონის ეტიკეტის წესები.

ალბათ დაგვეთანხმებით, რომ ფხიზელ, ენერგიულ მოსაუბრესთან, რომელსაც პოზიტიური მუხტი მოაქვს, უფრო სასიამოვნო და საინტერესოა ურთიერთობა, ვიდრე უინტერესო და მოსაწყენ მოსაუბრესთან.

ყოველ ადამიანს სურს იგრძნოს, რომ მისი ზარი განსაკუთრებულია. რატომ აკლებთ მათ ამ სიამოვნებას? წესია – „ესაუბრე ადამიანებს ისე, როგორც გსურს, რომ გესაუბრონ შენ“-ეს მნიშვნელოვნად გაგიადვილებთ საქმეს.

როცა ოფისში რეკავენ, ჯობია მესამე ან მეოთხე ზარის დარეკვამდე აიღოთ ყურმილი. შემდეგ აუცილებლად წარმოთქვით მისალმება, დაასახელეთ საკუთარი კომპანია და საკუთარი თავი. ყველაფერს ჯობია, გამოიყენოთ საერთო მისასალმებელი ფრაზები. ჯერ ერთი, ეს სოლიდურია, მეორეც – კომპანია შეიძენს ამით საკუთარ სახეს და სტილს.

იმის ნაცვლად, რომ თქვათ: „შემიძლია დაგეხმაროთ“

სჯობია წარმოთქვათ: „რით შემიძლია დაგეხმაროთ?“ 
არ შეიძლება დასვათ შეკითხვა: „ვინ არის?“ ან „ვინ კითხულობს მას?“
მართებული იქნება თუ იკითხავთ: „შემიძლია გავიგო, ვინ ლაპარაკობს?“ ან „მითხარით, გეთაყვა, ვინ ლაპარაკობს?“

საუბრის დროს საჭიროა ყურადღებით ვადევნოთ თვალი დიქციას. სიტყვები უნდა წარმოთქვათ მკაფიოდ და გასაგებად, რათა თავიდან აიცილოთ ხელმეორედ გამეორების აუცილებლობა. თქვენს განსაკუთრებულ ყურადღებას მოითხოვენ სახელები, სახელწოდებები და ციფრები.

საუბარი უნდა წარიმართოს კეთილგანწყობილი, მშვიდი ტონით, არც სწრაფად და არც ძალიან ნელა. უნდა გაითვალისწინოთ მოსაუბრის პროფესიონალიზმიც. თვალყური ადევნეთ თქვენი გამონათქვამების ლოგიკურობას, დაასაბუთეთ საკუთარი არგუმენტები, მაგრამ ყოველგვარი აგრესიისა და უკმაყოფილების გარეშე.

ზედმეტი დროის ხარჯვა რომ აიცილოთ თავიდან, უკეთესია საუბრისათვის მოემზადოთ წინასწარ. ყველაფერი, რაც შესაძლოა საუბრისთვის დაგჭირდეთ, ხელთ უნდა იქონიოთ. ასევე სასურველია, შეკითხვების სიის ჩამოწერაც, რათა მხედველობიდან არ გამოგრჩეთ მნიშვნელოვანი რამ და არ შექმნათ უხერხული პაუზები. თქვენ უთუოდ ხშირად დარჩენილხართ ტელეფონზე ჩამოკიდებული, მაშინ როცა თქვენი მოსაუბრე ეძებდა საჭირო ქაღალდებს ან ნივთებს.

საუბრის დასასრულს საჭიროა დარწმუნდეთ, რომ ნამდვილად სწორად გაიგეთ ინფორმაცია. თუკი თქვენ გთხოვეს ინფორმაციის მესამე პირისთვის გადაცემა, ეცადეთ არ დაივიწყოთ და ჩაიწეროთ იგი.

ხმა გამოხატავს განწყობას, რასაც მშვენივრად აღიქვამს თქვენი მოსაუბრე. ამიტომ საჭიროა ემოციების გაკონტროლება. დაუშვებელია გადაიტანოთ საკუთარი გაღიზიანება, დაღლილობა ან უგუნებობა მოსაუბრეზე. ინტონაციაზე ზემოქმედებს ის პოზაც კი, რომელშიც ადამიანი იმყოფება საუბრის მომენტში. თუ თქვენ სავარძელში წამოგორებული ჟურნალს ათვალიერებთ, იყავით დარწმუნებული, რომ თანამოსაუბრე იგრძნობს ამას.

მრავალ კომპანიაშია დამონტაჟებული მინი-ატეესი. გადართვის დროს საჭირო იყო აბონენტისათვის მისი განყოფილებისა და თანამშრომლის სახელის შეტყობინება. საუბრის დროს, მიაქციეთ ყურადღება იმას, რომ თანამოსაუბრემ არ გაიგოს ისეთი ინფორმაცია, რომელიც მისთვის არ არის განკუთვნილი. ეს მაშინ ხდება, როცა თანამშრომელი პირზე ხელის აფარებით ცდილობს დააზუსტოს გარკვეული დეტალები. უფრო ჭკვიანური იქნებოდა გამოგეყენებინათ ღილაკი „mute“, რომელიც ყველა თანამედროვე აპარატს გააჩნია. იმ შემთხვევაში, რა თქმა უნდა, თუ თქვენი თანამოსაუბრე მზადაა დაგელოდოთ.

ხშირად პრობლემების წამოჭრისას გაისმის ფრაზები: „მე არ ვიყავი ამით დაკავებული“, „ეს არ არის ჩემი ბრალი“, „მე არ ვიცი“. მსგავსი გამონათქვამები წარმოაჩენენ თქვენს კომპანიას არასახარბიელო კუთხით. კლიენტს შეიძლება დაებადოს საკმაოდ საფუძვლიანი შეკითხვა-მაშ რითი არიან დაკავებულნი ამ კომპანიის თანამშრომლები? ნებისმიერ შემთხვევაში, ნუ გასცემთ უარყოფით პასუხს. სიტყვა „არა“ ართულებს პრობლემის დადებით გადაწყვეტას. ჭეშმარიტი მისწრაფება კლიენტისთვის სწრაფი და ეფექტური დახმარების აღმოჩენისა უმრავლეს შემთხვევაში მომავალი კონფლიქტის ნეიტრალიზებას ახდენს.

Report

B2PGE

ავტორი: B2PGE

ჩვენ მაქსიმალურად ვცდილობთ ხელი შევუწყოთ პოზიტიურ აზროვნებას, დავთესოთ ჩვენს საზოგადოებაში კეთილი მარცვლები, მეტი წარმატების ნაყოფის მოსატანად და ამაში ჩვენ მთელ სულს და გულს ვდებთ.

რატომ არ უნდა ეკამათოთ ქალებს (იგავი)

R.I.P Whitney Elizabeth Houston