in

გახდომის 40 მარტივი ხერხი

საკვების შეზღუდვა, სპორტი, მოტივაცია... ჭარბი წონის დაგდების ძირითადი წესები ყველასთვის ცნობილია, მაგრამ სასარგებლო ხერხები ბევრმა არ იცის. გთავაზობთ 40 მარტივ და ზოგ შემთხვევაში, მოულოდნელ რეკომენდაციას, რომელიც გახდომაში დაგეხმარებათ; თანაც, დიდი ხნით და ზედმეტი ძალისხმევის გარეშე.

საკვების შეზღუდვა, სპორტი, მოტივაცია… ჭარბი წონის დაგდების ძირითადი წესები ყველასთვის ცნობილია, მაგრამ სასარგებლო ხერხები ბევრმა არ იცის. გთავაზობთ 40 მარტივ და ზოგ შემთხვევაში, მოულოდნელ რეკომენდაციას, რომელიც გახდომაში დაგეხმარებათ; თანაც, დიდი ხნით და ზედმეტი ძალისხმევის გარეშე.

1. დღე-ღამის კილოკალორიების ნორმა, წონაში რომ არ მოიმატოთ, ასე გამოთვალეთ: საკუთარი წონა კილოგრამებში გაყავით 0,45-ზე და გაამრავლეთ 14-ზე. თუ ფორმის შენარჩუნება კი არა, წონაში დაკლება გსურთ, მაშინ ფორმულაში საკუთარი წონის ნაცვლად სასურველი წონა ჩასვით.

2. ფაფას, იოგურტს, ყავას და ნებისმიერ საკვებს, რომელსაც კი მოუხდება, დარიჩინი მოაყარეთ. იგი მეტაბოლიზმს აჩქარებს. დღეში სულ ნახევარი ჩაის კოვზი დარიჩინი დაგეხმარებათ თვეში ერთი კილოგრამის დაკლებაში.

3. თუ სამსახურში სადილობთ, სამუშაო მაგიდასთან ნუ მიირთმევთ. კვლევებმა დაადასტურა, რომ ტელევიზორის ეკრანთან ან კომპიუტერის მონიტორთან ჯდომისას ადამიანი საშუალოდ 250 კილოკალორიით მეტს იღებს.

4. ხშირად იცინეთ. ყოველდღე 10-15 წუთის განმავლობაში სიცილი კვირაში 280 კილოკალორიით მეტს დაგახარჯინებთ.

5. სტაფილოს წვენს 1,5-2 თვის განმავლობაში შეუძლია 1,8 კგ დაგაგდებინოთ. ამისთვის დღეში 1 ჭიქა (200 გრამიანი) სტაფილოს წვენი უნდა მიირთვათ.

6. მიიღეთ ტაბლეტირებული კალციუმი. იგი ცხიმების დაშლას უწყობს ხელს და ამ პროცესს 2,6%-ით უფრო ეფექტურს ხდის.

7. ვარჯიშის ან სეირნობისას რიტმულ მუსიკას უსმინეთ. იგი ფიზიკური აქტივობის მოტივაციას ზრდის.

8. ნუ იტყვით უარს მჭლე ხორცზე. ცილით მდიდარი პროდუქტები კუნთოვან მასას ზრდის, ხოლო კუნთოვანი ქსოვილი დასვენების დროსაც კი გაცილებით მეტ კალორიას წვავს, ვიდრე ცხიმოვანი.

9. ფიტნეს-კლუბში მეგობრებიც მიიყვანეთ. სტატისტიკის თანახმად, ადამიანი, რომელიც მეგობრებთან ერთად ვარჯიშობს, 30%-ით მეტს იკლებენ წონაში, ვიდრე მარტოსული სპორტსმენი.

10. ნაკლები მარილი და მეტი წითელი წიწაკა მიირთვით. უმარილო დიეტა ზედმეტ სითხეს მოგაშორებთ, ხოლო წითელი წიწაკა კაპსაიცინს შეიცავს, რომელიც ნივთიერებათა ცვლას 25%-ით აჩქარებს.

11. ბრიტანელი მეცნიერების დასკვნით, ზედმეტი საკვების მიღებას სამუშაოზე მიღებული სტრესი იწვევს. თუ ინერვიულეთ, დაჯექით და რამდენიმეჯერ ღრმად შეისუნთქეთ. შეგიძლიათ დიაფრაგმული სუნთქვაც სცადოთ (როცა სუნთქვაში მუცლის პრესის კუნთები მონაწილეობს). დამშვიდდებით და სტრესის ჭამით მონელებაც აღარ მოგინდებათ.

12. ფიტნესისთვის დრო დილით, საუზმემდე გამოყავით. ჯერ ერთი, ეს მთელი დღის განმავლობაში მეტაბოლიზმს დააჩქარებს და მეორეც, – თქვენი ორგანიზმი საკვებისგან მიღებული ენერგიის ნაცვლად, თქვენივე ცხიმოვანი ქსოვილის ენერგიას დაწვავს.

13. მიირთვით სოიოს საწებელი. უკანასკნელი გამოკვლევებით სოიოს ცილა ადამიანის რეცეპტორებზე მოქმედებს და სიმაძღრის შეგრძნებას წარმოშობს.

14. სუფრაზე მიტანამდე საკვების ნებისმიერი დიდი ნაჭერი დაანაწევრეთ. ეს დაგეხმარებათ, 20%-ით ნაკლები კალორიის მიღებაში. ცნობილია, რომ წვრილად დაჭრილი ულუფები ადამიანზე მეტის შთაბეჭდილებას ტოვებს, ვიდრე ერთი დიდი ნაჭერი. თუ თვალს მოატყუებთ, კუჭიც მოტყუვდება და უფრო სწრაფად დანაყრდებით.

15. ყველაზე ეფექტიანი ტრენაჟორი სარბენი ბილიკია. სირბილის შემდეგ ყველაზე ეფექტიანი დატვირთვა სიარულია. ეს კი სპორტული დარბაზის გარეშეც შეგიძლიათ.

16. ინგლისელმა მეცნიერებმა იდეალურ საუზმედ აღიარეს მოხარშული კვერცხი პურის ნაჭერთან და ხილთან ერთად. კვერცხი მდიდარია ცილით, რომლის წყალობითაც ჩვენი ორგანიზმი მთელი დღის განმავლობაში უკეთ ხარჯავს მიღებულ კალორიებს. ხოლო ნახშირწყლები ენერგიას გვმატებს და საგრძნობლად აყოვნებს შიმშილის გრძნობას.

17. წითელი ღვინო მუცლის არეში ცხიმის დაგროვებას უშლის ხელს. ზედმეტი არ მოგივიდეთ, – დღეში ერთი ჭიქა სრულიად საკმარისია.

18. როდესაც სუფრას მიუჯდებით, წყნარი კლასიკური მუსიკა ჩართეთ. ასეთი აკომპანემენტით ადამიანი საშუალოდ 15-20%-ით ნაკლებს ჭამს, ვინაიდან უფრო ნელა ღეჭავს.

19. ღეჭეთ უშაქრო კევი ჭამის შემდეგ და მომდევნო ორი საათის განმავლობაში. ეს არამოტივირებულ შიმშილის გრძნობას მოგიხსნით.

20. არასოდეს თქვათ უარი ინტიმზე, როგორი დაღლილიც უნდა იყოთ. სექსის დროს დაახლოებით 1500 კილოკალორია იწვება და გამომუშავდება ჰორმონი, რომელიც მეტაბოლიზმს აჩქარებს.

21. მიირთვით ბროწეული. მისი მარცვლები ცხიმის წარმოქმის ხელშემშლელ ნივთიერებას შეიცავს, ხოლო ტკბილი გემო შიმშილის გრძნობას აოკებს.

22. ხორცს ტაფაზე ნუ შეწვავთ, მოამზადეთ ჰაერღუმელში ან გრილზე. მომზადების ეს წესი ზედმეტ ცხიმს გამოდევნის, ტაფაზე კი, პირიქით, ცხიმი ემატება.

23. მწვანე ჩაი კოფეინის გარდა ანტიოქსიდანტსაც შეიცავს, რომელიც ცხიმის გადამუშავებას უწყობს ხელს. ამდენად, ამ სასმელის მიღება თქვენს ნივთიერებათა ცვლას 20%-ით ააჩქარებს.

24. სალათი და სხვა მწვანილეული ისპანახით შეცვალეთ. იგი დაბალკალორიულია, ორგანიზმს წმენდს და ცხიმის დაშლაში ეხმარება.

25. მიირთვით თხის ყველი. ძროხის ყველთან შედარებით იგი 40%-ით ნაკლებ კალორიულია, ხოლო სასარგებლო ნივთიერებების შემცველობით სულაც არ ჩამოუვარდება.

26. მაკარონისა და წიწიბურას ნაცვლად გარნირად ლობიო ან მუხუდო გამოიყენეთ. პარკოსნები შეიცავს ამინომჟავებს, რომელიც ცხიმის დაგროვებისგან დაგიცავთ. „პარკოსანთა დიეტის“ წყალობით 2,5 თვეში 7 კილოგრამამდე შეგიძლიათ დაიკლოთ.

27. ცხიმებზე სრულიად უარის თქმა დაუშვებელია. ისინი ბევრი მინერალისა და ვიტამინის შეთვისებისთვისაა აუცილებელი. უმჯობესია, „ჯანსაღი ცხიმები“ მიიღოთ. რძის და ხორცის ცხიმიანი პროდუქტების ნაცვლად მიირთვით ინდაურის ხორცი, თევზი, ბამბის და ზეითუნის ზეთი, კვერცხი, ნიგოზი. კვლევები ადასტურებს, რომ ამგვარი ჩანაცვლება არა მარტო წონის დაკლებაში გვეხმარება, არამედ გულისთვისაც სასარგებლოა.

28. ნუ გამოტოვებთ საუზმეს. ეს ათვისებული კალორიების დღიურ ჯამს საშუალოდ 100-ით ზრდის.

29. მართალია, ვაშლი კუჭის წვენის გამომუშავებას და მადის გახსნას უწყობს ხელს, მაგრამ სადილამდე 15 წუთით ადრე მისი მირთმევა ათვისებული კალორიების დღიურ ჯამს 150-200 კკალ-ით ამცირებს.

30. ზეითუნის ზეთით შეკმაზული სალათი უფრო „დიეტურია“, ვიდრე მშრალი ბოსტნეული. ზეითუნის ზეთის მიღებისას ორგანიზმი განსაკუთრებულ ცილას გამოიმუშავებს, რომელიც ჩვენს ტვინს ატყობინებს, რომ ორგანიზმი დანაყრდა.

31. პომიდორი განსაკუთრებულ ნივთიერებას შეიცავს, რომელიც შიმშილის ჰორმონის წარმოქმნას აფერხებს. მისი მოქმედება რომ იგრძნოთ, საკმარისია რადენიმე ნაჭერი პომიდორი დაუმატოთ სადილს, ბუტერბროდს ან ერბო-კვერცხს.

32. იდეალური ინტერვალი საკვების მიღებას შორის 3 საათია. თუ უფრო დიდხანს დაიცდით, სისხლში შაქრის რაოდენობა მერყეობას დაიწყებს, ნივთიერებათა ცვლა დაირღვევა და რისკავთ, რომ საკვებს ეცემით და გაცილებით მეტს მიირთმევთ, ვიდრე აპირებდით.

33. ხორცისა და ბოსტნეულის კერძებს პაპრიკა დაამატეთ. ის თითქმის არ შეიცავს კალორიებს, სამაგიეროდ, C ვიტამინითაა მდიდარი, რომელიც ცხიმის ენერგიად გარდაქმნას უწყობს ხელს.

34. ზეითუნის ზეთის გარდა, ხორცისა და ბოსტნეულის კერძებს ძმარი დაამატეთ. მისი მჟავა აჩქარებს ცხიმის დაშლას და გახდომაში გვეხმარება.

35. გზადაგზა ნუ შეჭამთ. მაგიდასთან მჯდომი ადამიანი საშუალოდ 30%-ით ნაკლებს მიირთმევს.

36. ისადილეთ „მცირელიტრაჟიან“ მეგობრებთან ერთად. როგორც ფსიქოლოგები ამბობენ, ადამიანი არაცნობიერად ადარებს საკუთარ და სხვის ულუფას. ამიტომ ქალი, რომელიც მამაკაცთან ერთად სადილობს, საშუალოდ 20-35%-ით მეტს მიირთმევს, ვიდრე ქალთან სადილობისას.

37. ფიტნესის ან სხვა ფიზიკური დატვირთვის შემდეგ მაშინვე სავარძელს ნუ მიაშურებთ. 15-20 წუთი სირნობა ცხიმის დაშლის პროცესს გაახანგრძლივებს, ხოლო მკვეთრი გადასვლა დასვენების რეჟიმზე თქვენს ძალისხმევას წყალში ჩაყრის.

38. ენერგეტიკული სასმელები საშუალოდ 4-8-ჯერ უფრო კალორიულია, ვიდრე ყავა. ისინი სისხლში შაქრის მკვეთრ მომატებას იწვევს. ასე რომ, თუ ყავა მეტაბოლიზმის პროცესებს დაგიჩქარებთ, ენერგეტიკული სასმელები, პირიქით, ჭარბი წონის მიზეზად შეიძლება გექცეთ.

39. ნუ დალევთ პაკეტირებულ ხილის წვენს. ისინი შაქარს და ჭარბ კალორიებს შეიცავს (40-60 – 100 მლ-ზე).

40. უცხიმო რძე ჩვეულებრივთან შედარებით ორჯერ ნაკლებ კალორიულია. სამაგიეროდ, იმდენივე ფოსფორსა და კალციუმს შეიცავს. გარდა ამისა, რძის ცხიმი გულისა და სისხლძარღვებისთვის მავნეა და ქოლესტერინის დაგროვებას უწყობს ხელს.

Report

What do you think?

B2PGE

Written by B2PGE

ჩვენ მაქსიმალურად ვცდილობთ ხელი შევუწყოთ პოზიტიურ აზროვნებას, დავთესოთ ჩვენს საზოგადოებაში კეთილი მარცვლები, მეტი წარმატების ნაყოფის მოსატანად და ამაში ჩვენ მთელ სულს და გულს ვდებთ.

რა არ უნდა აჩუქოთ მამაკაცს?

25 რჩევა გოგონებს, თუ როგორ გახდეთ დელიკატურნი…