წიგნები, რომლებიც ზამთრის სუსხიან საღამოს გაგილამაზებთ

წიგნები, რომლებიც ზამთრის სუსხიან საღამოს გაგილამაზებთ

დამეთანხმებით წიგნების კითხვა ნებისმიერ ამინდში სასიამოვნოა,მაგრამ ზამთრის ცივი და ნისლიანი დღეები გვიბიძგებენ მოვკალათდეთ სახლში თბილად,გავიმზადოთ ფინჯანი ჩაი და დავუთმოთ საკუთარი თავის განვითარებას დრო. ასე რომ გთავაზობთ წიგნების ჩამონათვალს,რომლებიც განსაკუთრებით უხდება ზამთრის პეიზაჟს, ბუხარში მოგიზგიზე ნაკვერჩხლებს და თავისთავად ჩნდება კიდევაც განწყობა რომლებიც ყოველთვის გვეუფლება კარგი წიგნის კითხვის დროს.

ჯეინ ოსტინი „სიამაყე და ცრურწმენა“
ეს არის წიგნი,რომელიც ლიტერატურის მოყვარულებს აუცილებლად უნდა ჰქონდეთ წაკითხული.რომანი ამძაფრებს მკითველის გრძნობებს და წარმოიდგენ კიდევაც,რომ თავად ხარ წიგნის მთავარი გმირი. ფანჯრიდან მოჩანს დეკემბრის ღამე, ფანტელები ჰაერში ტრიალებენ, ბუხარში გიზგიზებს ცეცხლი და გრძნობ კიდეც სურნელს, რომელსაც ბედნიერების სურნელს ეძახიან.

ელიფ შაფაქის „ევას სამი ქალიშვილი“

ელიფ შაფაქის რომანი “ევას სამი ქალიშვილი” არის სტამბოლში დაბადებული თურქი გოგონას თავგადასავალი, რომელიც ოქსფორდის სტუდენტი ხდება და მისი ისტორია, ძალიან ჰგავს ბევრი სტუდენტის მთავარ პრობლემას, როცა ისინი ახალ გარემოში აღმოჩნდებიან ხოლმე.წიგნში იხილავთ სასიყვარულო ამბებს,რომელიც ყოველთვის განსაკუთრებით შთამბეჭდავია შაფაქის შემოქმედებაში.

ორჰან ფამუქი „თოვლი“
გერმანიიდან 12 წლის შემდეგ სამშობლოში დაბრუნებული პოეტი თვითმკვლელი გოგონების შესახებ რეპორტაჟის მოსამზადებლად საზღვრისპირა ქალაქ ყარსში ჩადის. ყარსში გადაუღებლად თოვს და გზები იკეტება. მთავარი გმირი კი ქუჩა-ქუჩა, დუქნიდან დუქანში დადის და ცდილობს, გაიცნოს ქალაქი და მისი მოსახლეობა. ყარსის ჩაიხანები უსაქმურებითაა სავსე. საინტერესო თითქოს არაფერი ხდება, მაგრამ მოულოდნელად ვითარება იცვლება.წიგნი უდაოდ საინტერესოა და მკითხველს ითრევს სიღრმეებში.

ჰარუკი მურაკამი „ნორვეგიული ტყე“
რომანი მოგვითხრობს ადამიანების რთული ბედის, დანაკარგების, სიყვარულისა და სექსუალური ცხოვრების შესახებ. თანამედროვე იაპონელი მწერლის, ჰარუკი მურაკამის რომანი „ნორვეგიული ტყე“ 1987 წელს გამოიცა და ავტორს მსოფლიო აღიარება მოუტანა. 2010 წელს გამოვიდა ამავე სახელწოდების ფილმი.

ელიზაბეტ ჯილბერტი „ჭამე,ილოცე,შეიყვარე“
წიგნის მთავარ გმირს ლიზ გილბერტს რომელსაც ფილმში მსახიობი ჯულია რობერტსი ასახიერებს,ჰქონდა ყველაფერი რაზეც თანამედროვე ქალმა შეიძლება იოცნებოს: ქმარი, სახლი, წარმატებული კარიერა. მაგრამ სხვა ბევრის მსგავსად მანაც აღმოაჩინა, რომ იგი დაკარგული და დაბნეულია.ახლად განქორწინებული გილბერტი ხვდება არაკომფორტულ სიტუაციაში,იგი რისკავს ყველაფერს რათა შეცვალოს თავის ცხოვრება. ელიზაბეტი მტკიცედ გადაწყვეტს, იპოვოს ის, რაც აქამდე ესოდენ აკლდა. ამდენად, ის იწყებს ძიებას.იქ მიდის ,სადაც ყველაფერი გააკვირვებს. ლიზი მოგზაურობს მსოფლიოს გარშემო და საკუთარი თავის ხელახლა აღმოჩენას იწყებს.იტალიაში მოგზაურობისას ის სიამოვნებას იღებს სხვადასხვა კერძების დაგემოვნებით, შეიგრძნობს ლოცვის ძალას ინდოეთში და ბოლოს მოულოდნელად შინაგან სიმშვიდეს და ნამდვილი სიყვარულის ძალას იპოვნის კუნძულ ბალიზე.

ჯერომ სელინჯერი „წყლის პირზე,ჭვავის ყანაში“
სელინჯერი ერთ წერილში აღნიშნავდა, რომ ამ „წიგნის მთელი ღირსება მთხრობელის ხმაშია“. მთხრობელი კი ერთი უცნაური თინეიჯერია, რომელიც თმას ყოველთვის ისე მოკლედ იკრეჭს, რომ სავარცხელიც კი არ სჭირდება. ოთხი სკოლიდანაა გაგდებული, კინო ჭირის დღესავით სძულს და ისეთი წიგნები უყვარს, წაკითხვის მერე რომ ინატრებ – ნეტა მე და ამის დამწერი ვძმაკაცობდეთო. ჟარგონით სავსე მეტყველება, მთავარი თემიდან ხშირადგადახვევა და უმნიშვნელო დეტალების სიყვარული ჰოლდენ კოლფილდის ხმას სამუდამოდ გამახსოვრებს.

იუ ნესბო „თოვლის კაცი“
ეს წიგნი დეტექტივების მოყვარულებს მონუსხავს და მის კითხვას რამდენიმე დღეში დაასრულებ.რომანში არაფერი ხდება შემთხვევით.მკითხველს ელოდება დიდი თავგადასავალი.პირველი თოვლი ხომ ჯადოსნურია – ხმებს ახშობს და კვალს შლის. ნორვეგიის დედაქალაქ ოსლოში პირველი თოვლისგან გაკეთებულ თოვლის კაცს უცნაური ამბები მოაქვს.  შეგიძლია დღესვე დაიწყო სასურველი წიგნის კითხვა და ჩაიძირო დაუვიწყარ განცდებში.
გისურვებთ წარმატებებს !

გამოიწერეთ სიახლეები უფასოდ!

Signup now and receive an email once I publish new content.

I will never give away, trade or sell your email address. You can unsubscribe at any time.

About author

დადუნა ნადარაია
დადუნა ნადარაია 56 posts

მე ვარ დადუნა ნადარაია – ჟურნალისტი, ბლოგერი და პუბლიცისტი. მიყვარს სამოტივაციო სტატიების წერა, მოგზაურობა და წიგნები. ძალიან მინდა ადამიანებმა ჩემს ირგვლივ და მთელს სამყაროში დაიჯერონ რომ არიან განსაკუთრებულები და შეუძლიათ წარმატების მიღწევა.ჩემი დევიზია "იმუშავე მაშინაც კი როდესაც სხვებს სძინავთ."

View all posts by this author →

You might also like

სიახლეები

18 რჩევა ხალხური სიბრძნიდან

1. სჯობს მიიღო შემოსავალი, ვიდრე ხელფასი. 2. თუ იმის ქონა გსურთ, რაც არ გაქვთ, დაიწყეთ იმის კეთება, რაც არასოდეს გიკეთებიათ. 3. ღმერთო, მომეცი ძალა გავაკეთო ის, რისი გაკეთებაც შემიძლია, მომეცი

ტექნოლოგიები და ინოვაციები

წყალბადზე მომუშავე პირველი ჩინური ავტომობილი GROVE, რომლის სვლის სიშორე 1000კმ-ია

კომპანია Grove Hydrogen Automotive-მა პირველად წყალბადის ძრავზე მომუშავე ახალი, ძვირადღირებული ავტომობილი  წარადგინა ვუჰანში  გამართულ პრეზენტაციაზე. ახლად შექმნილი ბრენდი Grove-ი არის ერთადერთი კომპანია ჩინეთში, რომელიც დაკავებულია ელექტრომობილების სერიული წარმოებით. 2025 წლისთვის

სიახლეები

2016 წლის ყველაზე სექსუალური ქალები Victoria’s Secret-ის მიხედვით

ამ წელს, კომპანია Victoria’s Secret-მა ყველაზე სექსუალური ქალების უკვე მე-11 სია გამოქვეყნა. აღსანიშნავია ის, რომ ამ ჩამონათვალში თითოეულ ქალბატონს კონკრეტული ნომინაცია აქვს მინიჭებული, დაწყებული ლამაზი ფეხებით და საუკეთესო იუმორის გრძნობით