წერილი საყვარელ მეუღლეს – “მე მჯერა…”
1829 Views

წერილი საყვარელ მეუღლეს – “მე მჯერა…”

ამბობენ თუ კი რეალური რაიმე გჯერა, გწამს ის აუცილებლად ისე იქნება როგორც შენ გინდა (რა თქმა უნდა ამისათვის დიდი ძალისხმევაა საჭირო).

მე მჯერა: დილით რომ ავდგები “გამათბობლის” თავზე უაზროდ დაკიდებული სარეცხი აღარ დამხვდება …

მე მჯერა: დილით სარკეში, რომ ჩავიხედავ თვალები აღარ მექნება იმედგაცრუების შედეგად წამოსული ცრემლებისგან დასიებული …

მე მჯერა: საკუთარი თავი არ შემებრალება, სარკეში ნაოჭებს აღარ დავუწყებ ძებნას, საკუთარი ნაკლიც მომეწონება და ჩემი სისუსტეები სიძლიერედ მექცევა. აღარ მექნება დრო იმისათვის, რაზედაც ახლა გული საშინლად მტკივა და სხეული შინაგანად მიკანკალებს …

მე მჯერა: აუცილებლად გავაკეთებ იმას რაზეც მთელი ცხოვრება ვოცნებობ; ჩემი შვილები და ახლობლები იამაყებენ ჩემით; მე შევძლებ ოცნების ასრულებას!

მე მჯერა: „სალოს“ გავუკეთებ ყველაფერს რაც ჩემზეა დამოკიდებული, დავანახებ სწორ გზას, რათა შემდეგში მას არ დაჭირდეს მსგავსი წერილის დაწერა. მე მწამს მისი წარმატებების!

მე მჯერა: “კატო“ დაძლევს იმ სირთულეებს რომელთა წინაშეც დგას. მასში პირველ რიგში ჭკვიან ქალს დაინახავენ და მერე შეამჩნევენ მის ლამაზ დიდ ლურჯ თვალებს. მე ამის მწამს და ეს აუცილებლად ასე იქნება, ამისთვის ყველაფერს გავაკეთებ!

მე მჯერა: ის გზა რომელიც შენ გაქვს არჩეული მიგიყვანს დასახულ მიზანთან, რათა შემდეგში უფრო ამბიციური მიზნები გაგიჩნდეს და აღასრულო …

მე მჯერა: შენ გააკეთებ ყველაფერს, რათა რაც მე მწამს ყველაფერში დამეხმარო …

მე მჯერა: დაძლევ იმ სისუსტეებს რომელიც გაქვს, დროს ნაყოფიერად გამოიყენებ, არასოდეს არ გექნება მიღწეულის კმაყოფილება …

მე მჯერა: შენ ყველაფერი შეგიძლია, ამისათვის გაქვს უნარიც, ცოდნაც და გამოცდილებაც …

მე მჯერა: ჩვენ ერთად ყველაფერს გავაკეთებთ!

Print Friendly, PDF & Email

About author

B2PGE
B2PGE 1495 posts

<p>ჩვენ მაქსიმალურად ვცდილობთ ხელი შევუწყოთ პოზიტიურ აზროვნებას, დავთესოთ ჩვენს საზოგადოებაში კეთილი მარცვლები, მეტი წარმატების ნაყოფის მოსატანად და ამაში ჩვენ მთელ სულს და გულს ვდებთ.</p>

View all posts by this author →

You might also like