ვპოულობთ იმას რასაც ვეძებთ

ვპოულობთ იმას რასაც ვეძებთ

ბუზი თუ ფუტკარი?

აღარც კი მახსოვს სად და როდის ამოვიკითხე უსაყვარლესი ანდაზა ბუზისა და ფუტკარის შესახებ, ერთი კი გავიფიქრე მაშინ – ამდენ ბუზებს რა დათვლის მეთქი!

ამ დეკემბრის სუსხიან ამინდში, რატომღაც სახლთან ახლოს გასეირნება მომინდა. თითქოს მომენატრაო და ვჩქარობდი კიდევ ერთხელ თვალი შემევლო უსწორმასწორო ქვებით ნაშენი ხის დარაბებიანი კოპწია სახლებისთვის. ცალი თვალით გვერდიდან თუ გახედავ, მათი ასიმეტრია შეუმჩნეველი არ დაგრჩება, გზა საითაც უხვევს სახლებიც იმ მიმართულებით იზნიქებიან. როცა მეპატრონემ სახლის აშენების დაახლოებითი თარიღი გაგვანდო… ერთი კი გავიფიქრე ალბათ ამ ქალს თავის დროზე ისტორიაში ორიანები ყავდა მეთქი, მაგრამ როცა გავიკით-გამოვიკითხე, სახლები მართლაც ლუი XIV პერიოდის აღმოჩნდა. ანუ გამოდის ჩვეულებრივად მუზეუმში ვცხოვრობ? ცოტა ხანში ეს ამბავი მიმავიწყდა. მოგვიანებით, გადავწყვიტე ბინის ფენშუის მეთოდებით მოწყობა და მეუღლეს შევეხვეწე მეპატრონისთვის სახლის პროექტი ეთხოვა…. მანაც ჩვეული იუმორით მიპასუხა, აუცილებლად ვთხოვ ლუის გადაურეკოს და პროექტის ასლი სამეფო ფოსტით გამოგიზავნოსოო…..ასე დასრულდა ჩინური სიბრძნის გამოყენების მცდელობა “მზის მეფის” დროინდელ სახლში.

გარშემო ისეთი უჩვეულო სიჩუმეა, გეგონება სახლებში არავინ ცხოვრობსო. საგულდაგულოდ ვაკვირდები ხის ძველ კარებებს, სადაც მუდამ აბლაბუდების კოლექციაა გამოფენილი. ვერაფერს იტყვი, ფეხსახსრიანები აქ ნამდვილად დიდ პატივში ჰყავთ. ერთ-ერთ ასეთ მორთულ ნაქსოვში გახრწნილი ბუზი შევნიშნე, ხოდა სწორედ ამ დროს მომაგონდა ზემოხსენებული ანდაზა და მომიმდა თქვენვისაც გამეზიარებინა. ეჭვი მაქვს ტექსტის ბოლოს თქვენც თვლისა და გამოკლების სურვილი გაგიჩნდებათ.

ერთხელ ბუზს ჰკითხეს, ახლომახლო სადმე ყვავილები ხომ არ უნახავს, რაზეც მან უპასუხა, რომ ყვავილისთვის თვალიც კი არ მოუკრავს. სამაგიეროდ მრავლად ჩამოთვალა სურნელოვანი ნაგავსაყრელები და ტუალეტები, როლებიც უკვე მოინახულა.

შემდეგ ფუტკარს ჰკითხეს, მან თუ დაინახა უსუფთაო ადგილები. ფუტკარმა კი მიუგო, რომ მსგავსი არაფერი უნახავს – გარშემო ხომ ათასგვარი ყვავილებია!
ერთი – ყველაზე აყვავებულ მინდორშიც მოძებნის ბინძურ ადგილს და იქ დაჯდება, ხოლო მეორე – ჭაობშიც იპოვის ლოტუსის ყვავილს!

თუ თქვენ ცხოვრებაში მხოლოდ მუქ ფერებს ამჩნევთ და გარშემო დადებითი არაფერია, თუ თქვენ საუბარს გამუდმებით, საყვედურებით, წუწუნით, სხვისი ქილიკით,  ქედმაღლობით, დაცინვით, არასასიამოვნო ამბებით იწყებთ -მაშინ ალბათ უკვე მიხვდით თუ რას წამოადგენთ!

მგონი რთული არ იქნება ამოიცნოთ ბუზი და ფუტკარი თქვენს ნაცნობებში!

გამოიწერეთ სიახლეები უფასოდ!

Signup now and receive an email once I publish new content.

I will never give away, trade or sell your email address. You can unsubscribe at any time.

ავტორის შესახებ

თქვენ ასევე დაგაინტერესებთ

სიახლეები

როგორ გადავლახოთ გამოწვევები სამსახურში

არ აქვს მნიშვნელობა, რამდენად  მომზადებული  თუ ორგანიზებული ხარ, დაბრკოლებები ყოველთვის მოაღწევს შენამდე, გაიძულებს გამოხვიდე საკუთარი კომფორტის ზონიდან და მოიმოქმედო რაიმე, რათა გადალახო ისინი. და როდესაც შენ გამოწვევის წინაშე აღმოჩნდები, პირველი

ბიზნესმენები და მეწარმეები

5 ადამინი, რომლებიც 40 წლის შემდეგ გამდიდრდნენ

შეწყვიტეთ საკუთარი ცხოვფრების კრიტიკულად შეფასება! ისტორიები, რომლებიც ამ სტატიაშია მოყვანილი, ამტკიცებენ, რომ ახლის დაწყება გვიან არასოდეს არ არის. ბევრი ადამიანი 30 წლის ასაკში იწყებს საკუთარი ცხოვრების კრიტიკულად შეფასებას და ნანობენ,

ბიზნესმენები და მეწარმეები

დენ კენედის 15 «მძლავრი» ციტატა ბიზნესზე

1. მე ვიცი, როგრო შეუძლია ნებისმიერ ადამიანს 10-ჯერ უფრო მდიდარი გახდეს, თუ მოინდომებს ამას. მაგრამ მე არავინ მისმენს. საიდუმლო ძალიან მარტივია. თუ ის, რასაც თქენ ახლა აკეთებთ ვერაფრით ვერ გამდიდრებთ,