თვითშთაგონება: ნუ გეშინია!

თვითშთაგონება: ნუ გეშინია!

ყველა აქვს უფლება, იყოს ბედნიერი. თუმცა ბევრს მოსწონს ტანჯულის როლში ყოფნა და უმეტეს შემთხვევაში ხელიდან უშვებს ბედნიერების შანსს. სამწუხაროდ, ძალიან ხშირად ჩვენ გვეშინია, ვუფრთხით საპასუხისმგებლო გადაწყვეტილებების მიღებას, რადგან სადღაც, ძალიან ღრმად, ჩვენში ზის მტკიცე რწმენა: “ამის გაკეთება არ შემიძლია!” “მეშინია!”… მაინც საიდან მოდის ეს ნეგატიურის მოლოდინი? ფსიქოლოგები დარწმუნებულნი არიან, რომ ამის წინაპირობები შორეულ ბავშვობაში უნდა ვეძებოთ.

ამიტომ, ყოველთვის, როცა წარმოვთქვამთ მაგიურ ფრაზას “მეშინია” ან “არ შემიძლია”, ყური მივუგდოთ ჩვენს შინაგან ხმას, საიდან მოდის, ვისი ხმა ჩაგვესმის. იქნებ ეს დედის ხმაა, რომელიც არ ცდილობდა, ჩვენში ბავშვობიდანვე გამოემუშავებინა და წაეხალისებინა დამოუკიდებლობის გრძნობა?! გავიხსენოთ, ის ყოველთვის ჩვენ ნაცვლად აკეთებდა ყველაფერს. რეალურად ჩვენც შეგვეძლო ჩვენით გაკეთება, მაგრამ ხელს გვიშლიდა ამაში! სწორედ ასე ხდება ჩვენს ცნობიერებაში შეჩვეული უსუსურობის განმტკიცება, რაც ხელს უწყობს გარკვეული კომპლექსების, განსაკუთრებით კი არასრულფასოვნების კომპლექსის ჩამოყალიბებას.
ბევრი ქალი აღიარებს, რომ აწუხებს აზრები: “მე ვერ გავთხოვდები”, “მეშინია”. ყველაზე საინტერესო კი ამ ფრაზებში გაგრძელებაა: “…იმიტომ, რომ ამისათვის არასაკმარისად კარგი ვარ, მაინც მიმატოვებენ” და პარადოქსია, მაგრამ სატანჯველისგან გათავისუფლება უფრო საშიშია, ვიდრე თვით სატანჯველი. რატომ? იმიტომ, რომ ტანჯვას უკვე შევეჩვიეთ, უკეთ შეგვიძლია ორიენტირება ცხოვრების ამ “ჩრდილოვან” ნაწილში. არ ვადანაშაულებთ ამაში არავის. ცხოვრების ნათელ, “მზიან” ნაწილში გადასვლა კი, სადაც არის სიცოცხლის ხალისი, ბედნიერება, წარმატება, ძალაუფლება – გვაშინებს მოსალოდნელი სირთულეებით და შესაძლო მარცხით. “საკუთარ სახეს დავკარგავ”, “შევარცხვენ საკუთარ თავს და ახლობლებს” – აი, ასე ახდენს ბევრი ქალი მარცხის პროგნოზირებას.
უთხარით საკუთარ თავს: “ცდა ბედის მონახევრეა” და თამამად გადადგით ნაბიჯი იდუმალი ბედისკენ! თვითშთაგონების ძალა ძალიან დიდია.
ავტორი: ნინო მაღალაშვილი

გამოიწერეთ სიახლეები უფასოდ!

Signup now and receive an email once I publish new content.

I will never give away, trade or sell your email address. You can unsubscribe at any time.

ავტორის შესახებ

B2PGE
B2PGE 1534 posts

ჩვენ მაქსიმალურად ვცდილობთ ხელი შევუწყოთ პოზიტიურ აზროვნებას, დავთესოთ ჩვენს საზოგადოებაში კეთილი მარცვლები, მეტი წარმატების ნაყოფის მოსატანად და ამაში ჩვენ მთელ სულს და გულს ვდებთ.

ავტორის ყველ სტატიის ნახვა →

თქვენ ასევე დაგაინტერესებთ

ფსიქოლოგია

რჩევები მშობლებს

ყელაზე მთავარი რჩევა – ვაქებთ საჯაროდ, ვეჩხუბებით ცალკე! ასევე მნიშვნელოვანია – ვაძაგებთ არა ბავშვს, არამედ მის ქცევას! არ «ვესხმით» თავს ბავშვს მთელი ოჯახი! არ ვიცოდებთ ეგრევე, თუ მამამ უსაყვედურა, ვინარჩუნებთ

ფსიქოლოგია

თქვით უარი და იყავით ბედნიერი

1. ითმინოთ ის, რაც არ მოგწონთ. 2. იმ ადამიანებთან ურთიერთობაზე, რომლებიც თქვენს თვითშეფასებას კლავენ. 3. იმაზე ფიქრზე რას იტყვიან სხვები. 4. აკონტროლოთ ყველაფერი. 5. დინების მიმართულებით ცურვაზე და ნაკლებ წინააღმდეგობაზე.

ფსიქოლოგია

საკუთარ თავში დარწმუნებული ადამიანების 9 ჩვევა

ნუ გაართულებ. რამე გინდა? მშვენიერია! შეადგინე გეგმა, თუ როგორ უნდა მიიღო ის, რაც გინდა. ნუ მოაშორებ თვალს პრიზს და ნურც სხვებს მისცემ უფლებას, რომ შენი ყურადღება გადაიტანონ შიშებისა და ეჭვების