შეწყვიტე სხვების დადანაშაულება და გახდი წარმატებული ადამიანი

შეწყვიტე სხვების დადანაშაულება და გახდი წარმატებული ადამიანი

არსებობენ ადამიანები, რომელთაც აქვთ მიზნები და ოცნებები, მაგრამ რადგან ეპარებათ ეჭვი საკუთარ შესაძლებლობებში და უძნელდებათ კომფორტის ზონიდან გამოსვლა, საკუთარი სისუსტეებს სხვებს აბრალებენ და ნებისმიერ მარცხს გარემოებებს და სირთულეებს მიაწერენ.გახსოვდეთ საკუთარ თავზე მხოლოდ თქვენ ხართ პასუხისმგებელი ეს კარგად უნდა გაიაზროთ და ერთხელ და სამუდამოდ შეწყვიტოთ თქვენი სისუსტეების სხვებისთვის გადაბრალება.

დიახ, ხშირად ადამიანები საკუთარ წარუმატებლობას მართლაც აბრალებენ: ოჯახის წევრებს – მშობლებმა მათ არ მისცეს სათანადო განათლება! მეუღლეებს, რომელმაც არ შეუწყვეს ხელი მათ კარიერულ წინსვლას! მეგობარს, რომელმაც არ გაუწოდა დასახმარებლად ხელი! რა თქმა უნდა კარგია როდესაც მოტივაციას გრძნობ შენი საყვარელი ადამიანებისგან,მაგრამ საბოლოოდ თქვენი წარმატება მხოლოდ იმაზეა დამოკიდებული თავად რამდენად ხართ მოტივირებული და მიზანსწრაფული. ნუ ეცდებით ხელი გაიშვიროთ სხვებისკენ, ამ დროს კიდევ უფრო ბრაზდებით, რადგან გულის სიღრმეში კი იცით რომ ყველაფერი თქვენს მოტივაციასა და მონდომებაზეა დამოკიდებული.

სამყაროს არ აინტერესებს თქვენი სისუსტეები. არც ის ვის ადანაშაულებთ თქვენს წარუმატებლობაში. გადამწყვეტ ნაბიჯებს დროულად ელოდება თქვენგან და სურს გახდეთ დასამახსოვრებელი პიროვნება. როდესაც შენ იბრძვი და დაბრკოლებებს უმკლავდები ხდები ძლიერი.გამოიმუშავებ ახალ უნარებს რომელიც გეხმარება გახდე განსაკუთრებული.დააკვირდი სამყაროს ნიშნებს თითქოს ისიც კი შენი კომფორტის წინააღმდეგია და სურს დროულად თქვა ერთფეროვან ცხოვრებაზე უარი.

ხშირად ხარ მოწყენილი? – ეს არის უტყუარი ნიშანი რომ არ გაქვს საქმე რომელიც გიყვარს. ხშირად გრძნობ რომ განსხვავებული და თამამი ნაბიჯები უნდა გადადგა?! სხვა თუ არაფერი ჩემმა სტატიამაც კი აგაფორიაქა? მასში საკუთარი თავი დაინახე და უსიამოვნო გრძნობა დაგეუფლა? დიახ ეს ყოველთვის ასე იქნება როდესაც ვიღაც გეტყვის რომ ეს არ არის ის ცხოვრება რომელზეც ოცნებებდი. ჩვენ ერთხელ ვცხოვრობთ ამიტომ ვალდებული ვართ გვქონდეს წარმატებული დღეები.

წარმატება კი მხოლოდ ჩვენს შესაძლებლობებზე, დაუღალავ შრომასა და მიზანდასახულობაზეა დამოკიდებული. თუ მოგეჩვენა რომ სტატიამ მართლაც აგაღელვა ე.ი მე შევძელი შენს კომფორტის ზონაში შემოსვლა,ამ ზონის დარღვევა კი უკვე მხოლოდ შენზეა დამოკიდებული. დაფიქრდი ! გააკეთე „შეუძლებელი „ და გახდი ის ვინც ბავშობიდან გსურდა გამხდარიყავი. გააკეთე საყვარელი საქმე და გაღიზიანება,პესიმიზმი საბოლოოდ გაქრება შენგან. შენ აზრადაც არ მოგივა სხვების დადანაშაულება და საკუთარ წარმატებას თამამად გაუზიარებ სხვებს.

Print Friendly, PDF & Email

ავტორის შესახებ

დადუნა ნადარაია
დადუნა ნადარაია 23 posts

მე ვარ დადუნა ნადარაია – ჟურნალისტი, ბლოგერი და პუბლიცისტი. მიყვარს სამოტივაციო სტატიების წერა, მოგზაურობა და წიგნები. ძალიან მინდა ადამიანებმა ჩემს ირგვლივ და მთელს სამყაროში დაიჯერონ რომ არიან განსაკუთრებულები და შეუძლიათ წარმატების მიღწევა.ჩემი დევიზია "იმუშავე მაშინაც კი როდესაც სხვებს სძინავთ."

ავტორის ყველ სტატიის ნახვა →

თქვენ ასევე დაგაინტერესებთ