საპიოსექსუალი

საპიოსექსუალი

ვინ არიან საპიოსექსუალები და რისგან შეუძლიათ მათ ინტელექტუალური ორგაზმი განიცადონ?

ვინ არიან საპიოსექსუალები და რისგან შეუძლიათ მათ ინტელექტუალური ორგაზმი განიცადონ?

თუ შენ ჭკუას ადამიანის ყველაზე სექსუალურ შტრიხად მიიჩნევ, თუ ინტელექტუალური საუბრები მეტად გიზიდავს, ვიდრე დაკუნთული სხეულით თავმომწონე უშინაარსო თავცარიელი ტიპები, თუ ფსიქოლოგიური ან სხვა სახის ინტელექტუალური დიალოგი შენთვის პრელუდიაა და საუკეთესო აფროდიზიაკად მიიჩნევ, თუ ჭკვიანი ქალის/მამაკაცის ლოგიკა აღგაგზნებს – მაშინ ნამდვილად ის არის, შენ ჭეშმარიტი საპიოსექსუალი ხარ. მაშ ასე, ინტელექტზე შეყვარებულები, რომლებიც თვლიან რომ სექსში ყველაზე მნიშვნელოვანი ორგანო ტვინია. მოკლედ არანაირი სენტიმენტები, მხოლოდ ტვინით გატაცება ანუ გონების თამაშები! 

მკვეთრად დამახასიათებელი ნიშნები:

1. სიტყვების მეფე;
2. მახვილგონივრული გამონათქვამები;
3. მომხიბვლელად ბოდავს;
4. თვითირონია;
5. მოგუდული იუმორი;
6. ერთნაირად ერკვევა, როგორც ცხოვრების ფილოსოფიაში, ასევე კვანტურ ფიზიკაში;
7. სასურველი სექსი მიიღება პარტნიორთან მენტალური კონტაქტის გავლით;
8. სიტყვიერი ბატალიებისგან ჟრუანტელი უვლის და სავსებით მოსალოდნელია ინტელექტუალური ორგაზმი განიცადოს;
9. ეროგენული ზონა: ტვინის ნერვული ბოჭკოები, სადაც ორიგინალური აზრები მწიფდება;
10. ჰობი: სიტყვებით თამაში ანუ გონების ეროტიკა!
11. ცხოვრების მიზანი: შემეცნების პროცესი და გამუდმებით ახლის ძიება.

საინტერესოა საპიოფილია მეტწილად ქალბატონებს ახასიათებთ თუ მამაკაცებს?

კითხვაზე როგორ პარტნიორს ირჩევთ? უმრავლესობა ქალი პირველად ჭკვიანს დაასახელებს, კაცი კი აუცილებლად გიპასუხებთ – ლამაზი და მხოლოდ შემდეგ ჭკვიანი.
მამაკაცების უმრავლესობა უპირატესობას ჯერ კიდევ ქალის გარეგნულ მონაცემებს ანიჭებენ. მამაკაცის გონებაში ინტელექტი და სექსუალობა სხვადასხვა მცნებაა, როგორც ცოლი და სექსუალური პარტნიორი. თუმცა რათქმაუნდა არსებობენ ისეთი მამაკაცები, რომლებსაც ძლიერი და ჭკვიანი ქალები მოსწონთ და არ აშინებთ მათთან კონკურენცია. პირველ რიგში ესენი არიან ფსიქოლოგიურად ზრდასრული მამაკაცები, რომლებიც ეძებენ კიდეც ძლიერ ქალებს. თუმცა ნებისმიერი კაცის ოცნებაა ჭკვიანთან ერთად ქალი ლამაზიც იყოს. – მე თქვენი მესმის!

სასურველი კავშირი

ინტელექტუალურად განვითერებული წყვილის კავშირი ყოველთვის უფრო მყარია და წარმატებული, რადგან ისინი კი არ ეჯიბრებიან, არამედ ევოლუციაში ეხმარებიან ერთმანეთს. ინტელექტუალთა ეროტიკაც უფრო საინტერესო და მომხიბვლელია.

არსებული რეალობა

ერთ-ერთი მიზეზი, რომლითაც გონება დღეს სექსუალური მომხიბვლელობის მთავარ მაჩვენებელად იქცა ტექნოლოგიური პროგრესია, რადგან ადამიანების კომუნიკაციის ძირითადი საშუალება სოციალური ქსელები და ფორუმები გახდა. ელექტრონული გზავნილის გასაკეთებლად აუცილებელი არ არის განსაკუთრებული ფიზიკური მონაცემები გქონდეს. ვირტუალურ სამყაროში იზრდება სიტყვის მნიშვნელობა და შენი მომხიბვლელობა პირდაპირ კავშირშია თუ რამდენად გონივრულად შეგიძლია აზრის გამოთქმა. გამოდის, რომ იქ სადაც ინფორმაციას მთავარი ღირებულება აქვს, ფიზიკური მონაცემების მნიშვნელობა მცირდება.

ასე რომ, ტექნოლოგიურ პროგრესთან ერთად დღეს სილამაზის ვექტორიც შეიცვალა. ქალბატონებს აღარ იზიდავთ მხოლოდ მაღალი და დაკუნთული ათლეტები, ვერც მამაკაცებს მოხიბლავთ მხოლოდ მინი კაბითა და ღრმა დეკოლტეთი, რადგან ახლა მოდაშია საპიოსექსუალები. ტვინი უმძლავრესი სასქესო ორგანოა, ამიტომ ტუჩებისა და კუნთების დაბერვას ჯობია თვითშემეცნებითა დაკავდეთ მეგობრებო!

 

Print Friendly, PDF & Email

ავტორის შესახებ

თქვენ ასევე დაგაინტერესებთ