რით განსხვავდება ჭკვიანი ქალი ბრძენი ქალისგან?

რით განსხვავდება ჭკვიანი ქალი ბრძენი ქალისგან?

– ჭკვიანი ქალი ქმრის შეცდომის აღმოჩენის შემთხვევაში წამოაძახებს მას, რომ აფრთხილებდა.
– ბრძენი ქალი მხარს დაუჭერს, გაამხნევებს, ზოგჯერ კი ისე მოიქცევა, თითქოს არც არაფერი შეუმჩნევია…

– კრიზისულ სიტუაციაში ჭკვიანი ქალი მართვის სადავეებს აიღებს და ქმარს ასწავლის სწორად ცხოვრებას.
– ბრძენი ქალი ძალიან მორიდებულად აჩვენებს მას მიმართულებას და მხარს დაუჭერს ამ მიმართულებით სვლაში…

– ჭკვიანი ქალი ბავშვებს მათემატიკას ასწავლის, მიუხედავად ყველაფრისა.
– ბრძენი ქალი თითოეულ მათგანში დაინახავს პიროვნებას…

– ჭკვიანი ქალი ეცდება სამსახურში იყოს სხვებზე უკეთესი და არ დაუშვას შეცდომები. ამასთან, კოლეგების უმრავლესობა მასთან დიდი სიფრთხილით მოიქცევა.
– ბრძენი ქალი კოლექტივში შექმნის თბილ და მოსიყვარულე ატმოსფეროს…

– ჭკვიანი ქალი მუდმივად ჩაერევა თავისი ზრდასრული შვილების ცხოვრებაში, მისცემს რჩევებს და რეკომენდაციებს, მოუყვება მათ იმის თაობაზე, თუ როგორ უნდა აღზარდონ სწორად შვილები.
– ბრძენი ქალი საკუთარ შვილებს საშუალებას მისცემს თავად მიიღონ ცხოვრებისეული გამოცდილება და მხარს დაუჭერს მათ ნებისმიერ სიტუაციაში…

– ჭკვიანი ქალი დაიწყებს ბრძოლას დედამთილის გავლენის წინააღმდეგ, მშობლებისგან დაიცავს თავის დამოუკიდებლობას და მუდმივად იკამათებს მათთან მიცემული რჩევების გამო.
– ბრძენი ქალი ისწავლის გაღიმებას, დუმილით მოსმენას, თანხმობას. მაგრამ ყველაფერს თავისებურად გააკეთებს, თან სიყვარულით…

– ჭკვიან ქალს უნდა რომ მთელი სამყარო შეცვალოს და ადამიანები გადააკეთოს.
– ბრძენი ქალი თავად დაიწყებს შეცვლას. სხვებს კი ისეთებად მიიღებს, როგორებიც არიან…

– ჭკვიანი ქალი ფიქრობს, რომ ბედნიერია ის, ვინც მართალია.
– ბრძენმა ქალმა იცის, რომ მართალია ის, ვინც ბედნიერია…

Print Friendly, PDF & Email

About author

B2PGE
B2PGE 1490 posts

ჩვენ მაქსიმალურად ვცდილობთ ხელი შევუწყოთ პოზიტიურ აზროვნებას, დავთესოთ ჩვენს საზოგადოებაში კეთილი მარცვლები, მეტი წარმატების ნაყოფის მოსატანად და ამაში ჩვენ მთელ სულს და გულს ვდებთ.

View all posts by this author →

You might also like