რატომ ვზარმაცობთ და როგორ ვაჯობოთ საკუთარ თავს

რატომ ვზარმაცობთ და როგორ ვაჯობოთ საკუთარ თავს

ამ სტატიაში მოყვანილი მარტივი ინსტრუქცია დაგეხმარებათ გაიგოთ რატომ არ გინდათ არაფრის კეთება და შესაძლებლობას მოგცემთ სამუშაო განწყობაზე დადგეთ.

სიზარმაცე თუ პროკრასტინაცია?

თავიდან სჯობს განვიხილოთ სიზარმაცე და გაჭიანურება, რადგან ხშირად ამ გაგებებს ერთმანეთში ურევენ.

სიზარმაცე — ეს არის მოქმედებისა და საქმის კეთების სურვილის არქონა, უსაქმურობისკენ მიდრეკილება.

პროკრასტიანაცია — ეს არის მიდრეკილება საქმის, მათ შორის ყველაზე სასწრაფო და მნიშვნელოვანი საკითხების გადადებისკენ, რაც იწვევს ცხოვრებისეულ პროებლემებს და მტკივნეულ ფსიქოლოგიურ ეფექტებს.

თუ ამ გაგებებს უფრო გასაგებ ენაზე განვმარტავთ, სხვაობასაც კარგად დავინახავთ. სიზარმაცე – ეს არის რაიმეს კეთების სურვილის არქონა, ხოლო გაჭიანურება – საკითხების გადადება, რომელსაც ხშირად მიაწერენ დროის მფლანგველებზე ყურადღების გადატანასაც, როგორიცაა მაგალითად სერფინგი ინტერნეტში ან სოც-ქსელებში.
ამ სტატიაში საუბარი იქნება კონკრეტულად სიზარმაცეზე და მისი დაძლევის მეთოდებზე.
უმეტეს შემთხვევაში, სიზარმაცე — არის პრობლემის შედეგი და არა მისი მიზეზი ან არსი. ერთად გავერკვიოთ, თუ რა მიზეზებს შეუძლიათ ჩვენი მიყვანა ამ სიტუაციამდე.

რატომ ვზარმაცობთ?

არ გვაქვს საქმისადმი ინტერესი
ასეთი დამოკიდებულება ადამიანს ხშირად უჩნდება სახლის საქმეების, საყოფაცხოვრებო რუტინის, ბანკებთან და სახელმწიფო დაწესებულებებთან ურთიერთობის, მოსაწყენი დავალებების შესრულების მიმართ. გაიხსენეთ: სკოლაშიც ზუსტად ასეა, ბავშვი ყველაზე სწრაფად და მარტივად იმ საგნებს სწავლობს, რომლებიც აინტერესებს. ადამიანის გაზრდის მიუხედავად მიდგომა არ იცვლება.

არ გვაქვს ენერგია
საქმე ეხება არამარტო ფიზიკურ, არამედ ემოციურ ენერგიასაც. თუ თქვენ სამსახურში ან გზაში იღლებით, საიდან უნდა გქონდეთ საქმის შესასრულებლად საკმარისი ენერგია?

არ გვაქვს მიზანი და აღქმა იმისა, თუ რატომ უნდა ვაკეთოთ საქმე
ეს პრობლემა ყველაზე გავრცელებულია. მაგალითად, სამსახურში ახალ პროექტში მონაწილეობას გთხოვენ. განვითარების პერსპექტივები გაურკვეველია, ხელფასის მომატების საკითხი ბუნდოვანი და ყოველდღიურ საქმესთან ერთად არანაირი სურვილი არ გაქვთ, რომ ასეთ პროექტზე იმუშაოთ.

შეიძლება რომ არ იზარმაცო ისეთ დროს, როცა ზემოთ მოყვანილი თუნდაც ერთ მიზეზი არსებობს? ნამდვილად წარმოუდგენელია!

რა მოვუხერხოთ ამ პრობლემას?
მნიშვნელოვანია ის, რომ ასეთი პრობლემის გადაწყვეტას ვიწყებთ არა პირველი, არამედ მესამე მიზეზიდან გამომდინარე.

თუ არ არის მიზანი და გაგება, საერთოდ რა საჭიროა რაიმეს კეთება?
განსაზღვრეთ მიზანი
მაშინაც კი, თუ არ გსურთ დაგეგმვით დაკავდეთ, შეაჯამოთ შედეგები და ა.შ. გააკეთეთ ეს სწორედ სიზარმაცესთან ბრძოლის გამო. ჩამოწერეთ რა გაიძულებთ არ მოკიდოთ ხელი საქმეს და პირიქით, რა იწვევს სურვილს შეასრულოთ ის, რა გმატებთ ენერგიას. გამოყავით დრო მიზნების ჩამოსაწერად, არ იჩქაროთ, დრო სიზარმაცისთვისაც დატოვეთ.

გაფილტრეთ უსარგებლო საკითხები
მიზნების სიის შედგენის შემდეგ აიღეთ კალამი და გამოყავით ის მიზნები, რომლებიც მოიგონეთ და მათი მიღწევა დიდად არც გინდათ. მაგალითად, დედის მიერ ნასწავლი ქმედება, რომ სამსახურიდან მოსულ ქმარს ცხელი კერძით უნდა დახვდეთ, სინამდვილეში კი ეს მას არ სჭირდება და თქვენც არ გსურთ გქონდეთ ცხოვრების ასეთი წესი. პრაქტიკულადაც ვერ აკეთბთ ამას, რადგან ეს თქვენი მიზანი არ არის. ამ ყველაფერს პირდაპირი კავშირი არ აქვს თქვენთან და თავსმოხვეული მიზანია.

გამოყავით ყველა მსგავსი საკითხი თქვენი მიზნების სიაში. არ იჩქაროთ, იფიქრეთ საიდან გაჩნდნენ ეს მიზნები, ვისი იდეაა და ა. შ.

გაითავისუფლეთ თავი
თუ ერთხელ მაინც დაგილაგებიათ გარდერობი, მაშინ თქვენთვის ნაცნობი იქნება იმ სიმსუბუქის განცდა, როცა ყველაფერი უსარგებლო, შეუფერებელი, გაფუჭებული და ძველი ნივთი აღარ გაქვთ ტივრთად და თქვენი ცხოვრებიდან ქრება. ყველაფერი რაც დარჩა – იდელურად გერგებათ, შეგეფერებათ ყველანაირად და მოგწონთ. ზუსტად ასე უნდა მიუდგეთ მიზნებსაც.

ყველა უსარგებლო და არასაჭირო მიზანი უნდა ამოშალოთ თქვენი სიიდან.
კიდევ ერთი მაგალითი ოჯახური ცხოვრებიდან: განსაზღვრეთ როგორი შედეგი გჭირდებათ. შეცვალეთ ზღვარი კომფორტის იმ დონემდე, სანამდეც მიზანი გაშინებთ. მაგალითად, «ყოველ დღე ახალი ვახშამის მომზადება 19:00 სთ-ზე და საგულდაგულოდ დალაგება» შეგიძლიათ შეცვალოთ «აუცილებლობის შესაბამისად დალაგება და სადილის კვირაში სამჯერ მომზადება, შემდეგი დღის ულუფის დატოვება ან საჭმლის მიტანის სერვისით სარგებლობა». იმ მიზნებს, რომლებიც ამის შემდეგ დაგრჩებათ სიაში – უკვე ნამდვილად უნდა მიაღწიოთ.

თუ ენერგია არ გაქვთ
განსაზღვრეთ დღის რომელ პერიოდში ხართ უფრო პროდუქტიული, რამდენი დრო გჭირდებათ გამოსაძინებლად, როდის უნდა შეასრულოთ გარკვეული რუტინული სამუშაო. აქედან გამომდინარე, შეადგინეთ ყევლა განრიგი ისე, რომ დასვენების დრო ყოველთვის გქონდეთ.
ყოველ დღე თქვენ უნდა გქონდეთ პირადი დრო გადატვირთვისთვის. თუ ხვდებით, რომ ის არ გაქვთ, გადახედეთ გეგმებს კიდევ ერთხელ – ექნებ რამეს ვერ გებულობთ სწორად. ხარისხიანი დასვენების გარეშე ვერანაირ საქმეს ვერ გააკეთებთ.

თუ საქმისადმი ინტერესი არ გაქვთ
ეს პუნქტი ხშირად აქტუალური არ არის, თუ ყველა ზემოთ ჩამოთვლილი შესრულებულია.
ყველაზე მნიშვნელოვანი და ყველაზე სასურველი მიზნის მიღწევის გზაზე ზოგიერთი საკითხი იქნება რუტინული და მოსაწყენი – ამას თავიდანვე უნდა აცნობიერებდეთ.

სანამ iPhone-ის გაყიდვიდან ფულს მიიღებდა, სტივ ჯობსმა არაერთი უსიამოვნო საათი გაატარა იმაზე კამათსა და წინაღმდეგობების გადალახვაში, თუ როგორ გაეუმჯობესებინა პროდუქტი. ყოველ ჯერზე, ახალი მოდელის გამოშვებისას, მას უწევდა Apple-ის ტექნიკის თაყვანისმცემლების მხრიდან ზეწოლის გაძლება. როგორ ფიქრობთ, ჯობსის ბიოგრაფიაში ეს მომენტები სასიამოვნო იყო? პროდუქტის ხარისხის მრავალსაათიანი განხილვები სასიამოვნოა? რა თქმა უნდა არა, მაგრამ როცა არის მიზანი, უნდა გესმოდეთ, რომ მზად ხართ მის გამო რაღაც დათმოთ. შემოუშვით რუტინა თქვენს ცხოვრებაში და შემდეგ მიეცით საკუთარ თავს დასვენების უფლება – ეს საჭიროა. ეს დაგეხმარებათ ძალები მოიკრიბოთ და ახალი იდეების გენერირება შეძლოთ.

გამოიწერეთ სიახლეები უფასოდ!

Signup now and receive an email once I publish new content.

I will never give away, trade or sell your email address. You can unsubscribe at any time.

ავტორის შესახებ

B2PGE
B2PGE 1537 posts

ჩვენ მაქსიმალურად ვცდილობთ ხელი შევუწყოთ პოზიტიურ აზროვნებას, დავთესოთ ჩვენს საზოგადოებაში კეთილი მარცვლები, მეტი წარმატების ნაყოფის მოსატანად და ამაში ჩვენ მთელ სულს და გულს ვდებთ.

ავტორის ყველ სტატიის ნახვა →

თქვენ ასევე დაგაინტერესებთ

10 რჩევა უკეთესად ფიქრისთვის! (მეცნიერთა დამტკიცებით)

1. ყურადღება მიაქციეთ საკუთარ ემოციებს ჩვენი ცნობიერება მცირედი ნაწილია იმისა, რაც ჩვენს თავებში ხდება. ნებისმიერ მომენტში ტვინი ამუშავებს ელვის სისწრაფით უზარმაზარ ინფორმაციას – ასე სწრაფად ყველაფრის გაცნობიერებას ადამიანი ვერანაირად ვერ

ბოდო შეფერის სიმდიდრის 21 პრინციპი

16 წლის ასაკში, ბოდო შეფერი მშობლიური კიოლნიდან კალიფორნიაში გაემგზავრა მარტო. მას არ ჰქონდა არც ფული, არც განათლება და ინგლისურადაც კი არ საუბრობდა. მაგრამ ის არ დაკარგულა. უკვე 26 წლის ასაკში,

მარტივი მექანიზმი, რომელიც დაგეხმარებათ კარდინალურად შეცვალოთ ცხოვრება

ნამდვილი თქვენ — ეს არ არის ის ადამიანი, ვინც ახლა ხართ. ნამდვილი თქვენ — ეს არის ის, ვინც გინდათ რომ იყოთ. იმისათვის, რომ ცხოვრებაში ხარისხიან ცვლილებებს მალე მიაღწიოთ, უნდა მოიქცეთ

Adidas-მა გერმანელი სტუდენტის მიერ გადაღებული რეკლამა დააიგნორა

იუჯინ მერჰერი (Eugen Merher) გერმანელი სტუდენტია, რომელმაც გადაიღო სარეკლამო რგოლი მოხუც სპორტსმენზე, სადაც ნაჩვენებია ადამიანის უდიდესი პირვონული სიძლიერე და თავისუფლება, მისი სწრაფვა გამარჯვებისკენ. ვიდეოს გადასაღება იუჯინი შთააგონა მისმა ნათესავმა, რომელსაც

10 ოქროს წესი სამუშაოს საუკეთესოდ ორგანიზების და დროის დაგეგმარებისთვის

ჯერ კიდევ ალბერტ ეინშტეინმა აღნიშნა, რომ ადამიანებს შეშის ჭრა მოქმედების თანმდევი შდეგის გამო უყვართ. სწოერდ შედეგის ხანგრძლივ მომავალში დადგომა არის ადამიანების სიზარმაცის ან ნელი მუშაობის მიზეზი, რაც უკავშირდება ბევრი ან

წარმატებული ქალის 15 ოქროს წესი

1. შეისწავლეთ ბედნიერება ქალი, რომელიც შეისწავლის ბედნიერებას – ძლიერი მაგნიტია მამაკაცებისთვის! დამტკიცებულია, რომ თუ «შეისწავლით» ბედნიერ ღიმილს, შედიხარ აუცილებელ მდგომარეობაში, რომელიც შემდეგ რეალურ ბედნიერებას იწვევს. 2. დღე და ღამ ნუ