რატომ უნდა შევხვდეთ მშვიდად ცხოვრების სირთულეებს

რატომ უნდა შევხვდეთ მშვიდად ცხოვრების სირთულეებს

თითოეულ სირთულეს ჩვენს ცხოვრებაში აქვს თავისი ეფექტი და მათი ღირსეულად გადალახვის შემდეგ ჩვენ ვსწავლობთ მისგან გაკვეთილს, ვხდებით გამოცდილი და ძლიერი ადამიანი. შესაბამისად, ყველა სირთულეს აქვს თავის სარგებლის ეფექტი. ზოგიერთი ცხოვრებისეული გაკვეთილი გვასწავლის მოთმინებას, მიტევებას, ბოდიშის მოხდას, შეუპოვრობას, საკუთარ თავში ღრმად ჩახედვას და ა.შ. ამით იმის თქმა მსურს, რომ ყველაფერი რაც ხდება, ხდება არა ჩვენს წინააღმდეგ, რომ რამე დაგვაკლოს ან დაგვაზიანოს, არამედ ჩვენს საკეთილდღეოდ და სასარგებლოდ. იმისათვის, რომ ჩვენ კიდევ უფრო გავიზარდოთ და ჩვენში ესა თუ ის უნარი განვავითაროთ და გავაუმჯობესოთ.

მედალს ორი მხარე აქვს და გააჩნია ჩვენ რომელ მხარეს დავაკვირდებით. ანუ სრულიად ჩვენი გადასაწყვეტია სირთულეში დავინახავთ ჩვენი გაუმჯობესების და გაზრდის შესაძლებლობას, თუ ჩავთვლით, რომ ვართ ცხოვრების მსხვერპლი.

მერე რა თუ ადამიანები გპირდებიან რაღაცეებს და მას არ ასრულებენ, მერე რა თუ მოლოდინები არ გამართლდა, მერე რა თუ რაღაც მე-20 ცდაზეც არ გამოვიდა. ამ ყველაფერის გაანალიზება და სწორად აღქმა იმ მომენტში არის ძალიან რთული და ზოგჯერ შეუძლებელი, თუმცა საბოლოო ჯამში, დრო რომ გადის და გასულ ცხოვრებას რომ გადახედავ, აანალიზებ რა და როგორ მოხდა შენ ცხოვრებაში ხვდები, რომ თითოეულ სირთულეს თავის ენა აქვს და ჩვენ სანამ ამ ენას არ ვისწავლით, ყოველთვის გვეგონება, რომ ცხოვრება რთული, უსამართლო და მჩაგვრელია.

მაგრამ… როგორც კი საკუთარი ცხოვრებისეული გამოცდილებით იცი, რომ ყველა სირთულე რაღაც მნიშვნელოვან გაკვეთილს გვასწავლის და თავის ენაზე გვესაუბრება, როცა აანალიზებ, რომ რეალობა ყველაზე დიდი საჩუქარია და ყველაფერი ხდება, არა ჩვენ წინააღმდეგ არამედ, ჩვენთვის და ჩვენს საკეთილდღეოდ ამის ცოდნა შინაგან საოცარ სიძლიერეს, სიმამაცეს და საკუთარი თავის რწმენას გვმატებს. როდესაც იცი, რომ მთელი სამყარო და ადამიანები სხვადასხვა ფორმით გვეხმარება გავხდეთ უკეთესები, ძლიერები, გამოცდილები და საკუთარი თავის საუკეთესო ვერსია. თითქოს ყველაფერი, სამყარო და ადამიანები ცდილობს სხვადასხვა გზებით დაგეხმაროს და დაგიდგეს გვერდით, რომ ერთგვარი იმუნიტეტი გამოიმუშაო ცხოვრების სხვადასხვა სფეროში სირთულეებთან გამკლავებისთვის.

ეს ყველაფერი გეხმარება ისწავლო, ის რაც ამჯერად არ იცი, ან გაამჯობესო რაღაც. როცა ასე, აზროვნებ  სრულიად თავისუფლდები მომავლის შიშისგან და სრულიად მზად ხარ ცხოვრების გამოწვევების მისაღებად და იცი, რომ ყველაფერს ექნება მტკივნეული მაგრამ წამლის ეფექტი.

ყოველგვარი მომავლის შიში და ფორიაქი ქრება და რჩება სრული მზაობა და მიმღებლობა, რაც უკვე ძლიერ პიროვნებას ახასიათებს. ხარ მინდობილი რეალობაზე, აღარ ეჭიდავები რეალობას და ადამიანებს, აღარ ცდილობ, რომ აირჩიო მსხვერპლის პოზიცია და მოსთხოვო პასუხი ისეთ ადამიანებს, რომლებმაც გადაგაგდეს, სიტყვა არ შეასრულეს, გული გატკინეს ასე შემდეგ და ასე შემდეგ…. უბრალოდ სწავლობ გაკვეთილს მათგან და სამუდამოდ შორდები.

იცი რომ ცხოვრება ასეთია. ყოველთვის იყო, არის და იქნება სირთულეები მაგრამ არა იმიტომ, რომ შენ უიღბლო, წარუმატებელი ან არასწორი გადაწყვეტილებების მიმღები ხარ, არამედ იმიტომ რომ ესა თუ ის ცხოვრებისეული გამოწვევა, არის ის, რაც იმ კონკრეტულ მომენტში წამალივით გჭირდება, რომ რაღაც ისწავლო, რაღაცაზე დაფიქრდე, რაღაც გაანალიზო და შემდეგისთვის იგივე სიტუაციაში ერთი და იგივე შეცდომა არ დაუშვა.

დაფიქრდით, რას გასწავლით სირთულე, რომელიც ახლა გაქვთ და გაანალიზეთ, რის თქმას ცდილობს ცხოვრება თქვენთვის და ბოლოს, გახსოვდეთ მარკუს ავრელიუსის ცნობილი სიტყვები და ხშირად გაუმეორეთ საუთარ თავს: “ყოველთვის, როდესაც ცუდი რამ შეგემთხვევა, შთააგონე შენს თავს:“ეს შემთხვევა კი არ არის ჩემი უბედურების წყარო, პირიქით, მისი ღირსეულად დათმენის უნარია ბედნიერება…” 

წარმატებები!

გამოიწერეთ სიახლეები უფასოდ!

Signup now and receive an email once I publish new content.

I will never give away, trade or sell your email address. You can unsubscribe at any time.

Print Friendly, PDF & Email

ავტორის შესახებ

მარიამ შარიქაძე
მარიამ შარიქაძე 73 posts

სამოტივაციო ბლოგერი და ელ-ჟურნალისტი. იხილეთ მეტი ჩემს შესახებ: www.mariamsharikadze.wordpress.com

ავტორის ყველ სტატიის ნახვა →

თქვენ ასევე დაგაინტერესებთ

მიზეზები, რომელთა გამოც გაღვიძების შემდეგ ვგრძნობთ დაღლილობას

სრულფასოვანი ძილის შემდეგ წესით ხალისიანად და განახლებული ენერგიით უნდა ვიღვიძებდეთ. ხშირად კი ამის ნაცვლად ცუდ ხასიათზე და გაღიზიანებულებს გვეღვიძება. ამას თავისი ახსნა აქვს. რატომ ვგრძნობთ დაღლილობას ძილის შემდეგ? 1. ტვინში

Print Friendly, PDF & Email

გამარჯვებულებისა და დამარცხებულების 20 განმასხვავებელი ნიშანი

1. გამარჯვებულები ფოკუსირებულნი არიან ამოხსნაზე – დამარცხებულები კი პრობლემაზე. 2. გამარჯვებულები იღებენ პასუხისმგებლობას – დამარცხებულები ადანაშაულებენ სხვებს. 3. გამარჯვებულები პოულობენ შესაძლებლობებს კრიზისში – დამარცხებულები წუწუნებენ კრიზისზე. 4. გამარჯვებულები ტკბებიან აწმყოთი

Print Friendly, PDF & Email

ამ ბიჭმა იშოვა 1-მლნ დოლარი მსოფლიოს გარშემო თავისი ნოუთბუქით მოგზაურობით

აი ასე შეიძლება ცხოვრება! ბევრი ადამიანი ოცნებობს ეპიკურ მოგზაურობაზე მსოფლიოს გარშემო. მაგრამ ყველას არ აქვს ფინანსური სახსრები და სიმართლე რომ ითქვას, არც იმის თავი, რომ ჩაალაგოს ჩემოდანი და თავისი ადრინდელი

Print Friendly, PDF & Email

დილის 5 ჩვეულება, რომელიც დაგეხმარებათ შეინარჩუნოთ მხნეობა გრძელ სამუშაო დღეებში

1. კითხვა 20 წუთით პირველი, რასაც გაღვიძებისთანავე ვაკეთებ, ვკითხულობ კარგ წიგნს 20 წუთი. მე არ ვამოწმებ ჩემს იმეილს. არც თქვენ გაცდუნოთ კომპიუტერმა და არ ჩართოთ ის დილით. დაიწყოთ დილა რამე

Print Friendly, PDF & Email

10 რჩევა კრიზისიდან გამოსასვლის, გაყინული წერტილიდან დაძვრისა და ოცნების ასრულებისთვის

ცოტა ვინმეს თუ უშოვია ბევრი ფული სერიოზული გამოცდების გადალახვის გარეშე. ნებისმიერი ბიზნესმენი იტყვის, რომ შეჯახებია ისეთ მოვლენას, როგორიც არის «კრიზისი». ნებისმიერ ბიზნესში კრიზისმა შეიძლება მუხლებზე დაგაჩოქოთ, ან პირიქით, სიმდიდრისა და

Print Friendly, PDF & Email

გიჟური იდეა! ამ ადამიანმა ყველაფერი დატოვა 13000 აშშ დოლარად და საკუთარი სამოთხე შეიძინა

სათავგადასავლო ისტორია თანამედროვე რობიზონ კრუზოს შესახებ. ადამიანი, რომელმაც ბუნებასთან განმარტოვებით ჰარმონია იპოვა შთაგონების წყარო იყო ათეულობით გოგოებისა და ბიჭებისთვის. მაგრამ ბრენდონ გრიმშოუსთვის დანიელ დეფოს უკვდავი ნაწარმოები ცხოვრების კრედო გახდა, რომელიც

Print Friendly, PDF & Email