ოპრა უინფრის სიტყვა ოქროს გლობუსზე

ოპრა უინფრის სიტყვა ოქროს გლობუსზე

“1964 წელს, როცა პატარა გოგო ვიყავი, მილუოკიში, დედაჩემის სახლში, ლინოლიუმის იატაკზე ვიჯექი და ვუყურებდი ანე ბანკროფტს, რომელმაც კაცის როლის საუკეთესოდ შესრულებისთვის ოსკარის გამარჯვებული წარადგინა. მან კონვერტი გახსნა და თქვა სიტყვები, რომელიც ისტორიაში შევიდა: გამარჯვებულია სიდნი პოიტიე.

სცენაზე ავიდა ყველაზე ელეგანტური კაცი, ვინც ოდესმე მინახავს. მახსოვს, მისი ჰალსტუხი თეთრი იყო, კანი კი, რა თქმა უნდა, შავი. არასდროს მინახავს, შავკანიანი კაცი ასე რომ ზეიმობდა. ძალიან ბევრჯერ ვცადე ამეხსნა, რას ნიშნავს მსგავსი მომენტი პატარა გოგოსთვის, ბავშვისთვის, რომელიც ამ სანახაობას იმ იაფფასიან სავარძელზე მჯდარი უყურებს, რომელიც დედამ იმ სახლიდან მოიტანა, რომელსაც ალაგებდა. ერთადერთი, რაც შემიძლია ვთქვა, არის ფრაზა, რომელიც ახსნის სიდნის თამაშს Lilies of the Field: “ამინ, ამინ, ამინ, ამინ”.

1982 წელს სიდნიმ სესილ ბი დემილის ჯილდო სწორედ აქ, ოქროს გლობუსის ცერემონიალზე მიიღ. ვიცი, რომ არიან პატარა გოგონები, რომლებიც ახლა მიყურებენ და ხედავენ, რომ მე პირველი ფერადკანიანი ქალი ვარ, ვინც ანალოგიური ჯილდო მიიღო.

პატივი და პრივილეგიაა დღევანდელი საღამოს გაზიარება იმ არაჩვეულებრივ ქალებთან და კაცებთან, რომლებმაც შთამაგონეს და გამოწვევების მიღებისკენ მიბიძგეს, რათა ამ სცენაზე დადგომა შემძლებოდა.

მინდა მადლობა გადავუხადო ჰოლივუდის უცხოური პრესის ასოციაციას, ვინაიდან, ჩვენ ყველამ ვიცით, როგორი წნეხის ქვეშ არის პრესა დღეს. მაგრამ ასევე ვიცით, რომ უზომო თავდადება და სურვილი, ნათელი მოჰფინო აბსოლუტურ სიმართლეს, გვეხმარება დავინახოთ უსამართლობა და კორუფცია, ტირანები და მსხვერპლები, საიდუმლოებები და ტყუილები.

მინდა ვთქვა, რომ ახლა პრესას ვაფასებ, როგორც არასდროს. დანამდვილებით ვიცი, რომ სიმართლის თქმა ყველაზე ძლიერი ინსტრუმენტია, რაც ჩვენ ყველას გაგვაჩნია. განსაკუთრებით ამაყი და შთაგონებული ვარ ყველა იმ ქალით, ვინც საკმარისად ძლიერი აღმოჩნდა, რათა თავიანთი პირადი ამბები სხვებისთვის მოეყოლა.

მაგრამ ეს არ არის ამბები, რომელიც გავლენას მხოლოდ გართობის ინდუსტრიაზე ახდენს. ეს არის ამბები, რომელიც გასცდა კულტურას, გეოგრაფიას, რასას, რელიგიას, პოლიტიკას ან სამუშაო ადგილებს. ამიტომ, დღეს საღამოს მსურს მადლობა გადავუხადო ყველა იმ ქალს, რომელმაც წლების განმავლობაში აიტანა ძალადობა და თავდასხმა, იმიტომ რომ მათ, დედაჩემის მსგავსად, შვილები ჰყავდათ, რომლებისთვისაც საკვები უნდა ეყიდათ, გადასახადები გადაეხადათ და ოცნებები აეხდინათ.

ისინი არიან ქალები, რომელთა სახელებსაც ვერასდროს გავიგებთ. შინამოსამსახურეები და ფერმერები, ქალები, რომლებიც ქარხნებში ან რესტორნებში მუშაობენ, ასევე არიან აკადემიურ სფეროში: ემსახურებიან ინჟინერიას, მედიცინას და მეცნიერებას. ისინი არიან ტექნოლოგიის, პოლიტიკის და ბიზნესის ნაწილი. ისინი არიან ჩვენი ათლეტები ოლიმპიადაზე და ჩვენი არმიის ჯარისკაცები.

არის კიდევ ერთი სახელი – რესი ტეილორი, რომელიც მე ვიცი და ვფიქრობ, თქვენც უნდა იცოდეთ. 1944 წელს ის ახალგაზრდა ცოლი და დედა იყო. ერთხელ, როცა სახლში ეკლესიიდან ბრუნდებოდა, 6 შეიარაღებული თეთრკანიანი კაცი თავს დაესხა, გააუპატიურა და გზაზე დატოვა. ისინი ქალს მოკვლით ემუქრებოდნენ იმ შემთხვევაში, თუ ის ხმას ამოიღებდა, თუმცა მისი ამბავი NAACP-ს (ფერადკანიანი ადამიანების წინსვლის ასოციაცია) შეატყობინეს, რომლის ახალგაზრდა თანამშრომელმა, როზა პარკსმა, საქმე გამოიძია. მათ ერთად სურდათ სამართლიანობის მიღწევა.

თუმცა, ჯიმ ქროუს კანონების ერაში ეს შეუძლებელი იყო. კაცები, რომლებმაც სცადეს მისი განადგურება, არასდროს დასჯილან. რესი ტეილორი 10 დღის წინ, 98 წლის ასაკში გარდაიცვალა. ის ცხოვრობდა ისე, როგორც ჩვენ ყველა, კულტურაში, რომელიც სასტიკად ძლიერი კაცის მიერ იყო დანგრეული. დიდი ხნის განმავლობაში ქალებმა არ იცოდნენ ან არ სჯეროდათ, რომ შეეძლოთ გაებედათ და სიმართლე ესაუბრათ ამ [მოძალადე] კაცების შესახებ. მაგრამ მათი დრო დასრულდა, მათი დრო დასრულებულია.

მათი დრო დასრულებულია. და მე იმედი მაქვს, რესი ტეილორი ისე გარდაიცვალა, რომ იცოდა – მისი სიმართლე, ისევე როგორც ბევრი სხვა ქალის სიმართლე, რომლებიც წლების განმავლობაში იტანჯებოდნენ და ახლაც იტანჯებიან, მარშით გრძელდება.

ჩემი კარიერის განმავლობში, ტელევიზიასა თუ კინოში, ყოველთვის ვცდილობდი, ყველფერი გამეკეთებინა და მეთქვა, როგორ განვიცდით სირცხვილს, როგორ გვიყვარს და ვბრაზდებით, როგორ ვმარცხდებით, უკან ვიხევთ, შეუპოვრობას ვიჩენთ და ვიმარჯვებთ.

ინტერვიუები მქონია ადამიანებთან, რომლებსაც ცხოვრებაში მრავალი სიმახინჯე იხილეს, მაგრამ მათ საერთო ჰქონდათ უკეთესი მომავლის და ნათელი დილის გათენების იმედი, უბნელესი ღამეების დროსაც კი.

ამიტომ მსურს ყველა გოგომ, რომელიც გვიყურებს, იცოდეს, რომ ჰორიზონტზე ახალი დღე ჩანს და როცა ახალი დღე, ბოლოს და ბოლოს, გათენდება, იქნება მრავალი ბრწყინვალე ქალის დამსახურება, რომელთაგან ბევრნი ამ დარბაზშიც სხედან. ბევრი ფენომენალური კაცის დამსახურებაც, რომლებმაც ბევრი იბრძოლეს, რათა დაემტკიცებინათ, რომ არიან ლიდერები, რომლებიც წარგვიძღვებიან იმ დროისკენ, როდესაც არავის მოუწევს ისევ თქვას #მეც (#metoo)”.

გამოიწერეთ სიახლეები უფასოდ!

Signup now and receive an email once I publish new content.

I will never give away, trade or sell your email address. You can unsubscribe at any time.

ავტორის შესახებ

B2PGE
B2PGE 1537 posts

ჩვენ მაქსიმალურად ვცდილობთ ხელი შევუწყოთ პოზიტიურ აზროვნებას, დავთესოთ ჩვენს საზოგადოებაში კეთილი მარცვლები, მეტი წარმატების ნაყოფის მოსატანად და ამაში ჩვენ მთელ სულს და გულს ვდებთ.

ავტორის ყველ სტატიის ნახვა →

თქვენ ასევე დაგაინტერესებთ

გამოძიებას ატარებენ ბეჭდვის ექსპერტები: მასობრივი გაუჩინარება

უჩვეულო ინტერნეტ-სერიალი «გამოძიებას ატარებენ ბეჭდვის ექსპერტები» – შექმნილია ამერიკული კომპანია Hewlett-Packard-ის ძალისხმევით და მოიცავს 4 სერიას: «მასობრივი გაუჩინარება», «ციტრუსის ტრაგედია», «ბლითების მაქინაციები» და «მოდის მსხვერპლი». მარტივი სიუჟეტი მოგვიწოდებს გამოვიყენოთ HP-ის ორიგინალური

ბიზნესის ფსიქოლოგია: როგორ ვიკონტაქტოთ სხვადასხვა ტიპის ადამიანებთან

ცნობილი ფსიქოლოგი ჯეიმს ბორგი თავის წიგნში «დარწმუნების ძალა. ადამიანებზე გავლენის მოხდენის ხელოვნება» – გამოყოფს თანამოსაუბრეთა ხუთ ძირითად ტიპს, შესაბამისად, ხუთივე ტიპის ადამიანებთან საჭიროა ურთიერთობის თავისებური მეთოდის გამოყენება – სწორედ ამაშია

5 მნიშვნელოვანი რჩევა სკოლებისა და უნივერსიტეტების გამოსაყენებლად

სხვადასხვა ბიზნეს სკოლები გვთავაზობენ სტუდენტებს პარაქტიკული გამოცდილებისათვის, გამოიყენეთ მათი რესურსები. მიიღეთ მონაწილეობა სხვადასხვა პროგრამებში, რომლებსაც უნივერსიტეტები ასპონსორებენ. ყოველთვის იყოლიეთ გუნდში მოხალისე, რომელიც მოგამარაგებთ ახალი იდეებით და მიგითითებთ ხარვეზებზე. გამოიყენეთ ისეთი

ფრაზები 4 ყველაზე ღირებულ თემებზე: ადამიანობა, მეგობრობა, სიყვარული, ცხოვრება

სტატია მათთვის, ვინც ცხოვრების გზაჯვარედინზე დგას ან დაბნეულია, ან გადაწყვეტილება აქვს მისაღები და სწორი ბიძგი სჭირდება… ცხოვრების შესახებ: * საკუთარ თავზე ნუ მოყვებით ნურც კარგს და ნურც ცუდს. პირველ შემთხვევაში

როგორი გზა ელოდება ახალბედას ბიზნესში – 4 მთავარი ეტაპი

ალექსანდრე პერევეზენცევი – საერთაშორისო, სერთიფიცირებული ბიზნეს ტრენერი, ქოუჩი.  როგორი გზა ელოდება ახალბედას ბიზნესში. 4 ეტაპი, ბიზნესმენად ჩამოყალიბებისას. ნებისმიერს შეუძლია გახდეს ნებისმიერი. ერთხელ ვინსტონ ჩერჩილმა თქვა: – ჭკვიანი ადამიანები, ყველა შეცდომას არ

ონლაინ სესხები დოკუმენტების გარეშე – ისარგებლე საუკეთესო შეთავაზებით

თანამედროვე სამყაროში ხშირად ჩნდება მოულოდნელი ფინანსური პრობლემები, რომლის მოსაგვარებლად საჭიროა დამატებითი ფინანსები. როგორ უნდა მოიქცეთ ასეთ დროს, როდესაც ფული სასწრაფოდ გჭირდებათ? რომელ საკრედიტო კომპანიას უნდა მიმართოთ თანხის მისაღებად? ყოველდღიურად, უამრავი