ოცნებები,რომლებიც ჩვენ გვაქვს

ძალიან დიდხანს ვოცნებობდი აქ მოხვედრაზე. ეს თავიდან მხოლოდ ოცნებას ჰგავდა,რადგან ვერ ვახერხებდი მარტო მოვსულიყავი აქ და სასიამოვნოდ გამეტარებინა დრო ბუნებაში. მაგრამ დღეს ჩემი ოცნება რეალური გახდა, როდესაც სასტუმროს აივანზე გამოვედი ფინჯანი ყავით ხელში და მთების სილამაზეში ჩავიკარგე, მივხვდი, სამყარო ყოველთვის გვეხმარება ჩვენი ოცნებების ასრულებაში და ამას საოცრად ჯადოსნურად აკეთებს.
ყოველთვის მომწონდა ლოპოტა. აქ შემოდგომაზე მინდოდა მოსვლა,რადგან ბუნება რომელიც შემოდგომაზე უამრავ ფერებში გაწყობილია ფოთლებით ლოპოტას ტბის ზედაპირზე კიდევ უფრო საოცარ ფერებში ირეკლება.. თუმცა ზაფხულში აქ ყოფნა სამოთხეში ყოფნას ჰგავს. სამოთხიდან სამოტივაციო სტატია კი არ დამიწერია არასოდეს.
ბევრჯერ დავრწმუნდი, როდესაც რამეზე მთელი გულით ვოცნებობთ ჩვენი ოცნებისკენ მივდივართ ზოგჯერ გაუცნობიერებლადაც კი. თითქოს რაღაც ძალა გვმართავს და სანამ გავაცნობიერებთ ჩვენი ოცნების მნიშვნელობას და მისკენ დავიწყებთ ნაბიჯის გადადგმას, სამყარო ხშირად გვტკენს,გამოუვალ მდგომარეობაში გვაყენებს,რომ,როგორმე მივუახლოვდეთ ჩვენს ოცნებას. ხელი შევახოთ მას და მისი სისრულეში მოყვანა შევძლოთ.ეს ნამდვილად ამოუხსნელი ამბავია.სამყარო ყველაფერს აკეთებს იმისათვის რომ ოცნებები ავიხდინოთ.ჩვენ გატაცებული ვართ ჩვენი ოცნებებით და თუკი განვახორციელებთ მათ ვპოულობთ კიდეც ბედნიერებას. სამყაროსაც ეს სურს – ბედნიერება იპოვონ ადამიანებმა. ნუ შეგაშინებს იმაზე ფიქრი,რომ სამყაროში უამრავი ადამიანია,ყველას თავისი ბედნიერება ერგება. მთავარია მოვუსმინოთ სამყაროს, გავყვეთ მის წესებს და ჩვენი ოცნებებიც ახდება.
დიახ ერთი შეხედვით თითქოს ყველაფერი ზღაპარივით ჟღერს,მაგრამ დამეთანხმებით ოცნებები,რომლებიც ჩვენ გვაქვს ნამდვილად ჰგავს ზღაპრებს.