მოუსმინე ნიშნებს,  იყავი განსაკუთრებული პიროვნება

მოუსმინე ნიშნებს, იყავი განსაკუთრებული პიროვნება

ქალაქის ცხელ დღეებს გამოვექეცი და მარტოობა ვარჩიე. მთის კურორტისკენ გავეშურე. წავიღე წიგნები, ლამაზყდიანი ბლოკნოტები, ავიღე სასტუმროს ნომერი საოცარი ხედით და როდესაც ფინჯან ყავას მივირთმევ აივანზე და ბუნების მშვენიერი პეიზაჟით ვტკბები, თავს წარმატებულ და ბედნიერ ადამიანად ვგრძნობ. როგორი კარგია არა? თუმცა დასაწყისში მეც რთული გზა გავიარე. ვიტანჯებოდი ვიდრე ვიპოვიდი ჩემს მიზანს და მივხვდებოდი, როგორი ნაბიჯები უნდა გადამედგა ოცნებისკენ მიმავალ გზაზე. უგზო – უკვლოდ დავეხეტებოდი. წარმოდგენა არ მქონდა როგორ უნდა მეკეთებინა საყვარელი საქმე. თითქოს ყველა კარი დაკეტილი იყო. ყველგან განსაცდელებით იყო დღეები სავსე. შინაგანი ხმა გამუდმებით ერთ რამეს მიმეორებდა, მაგრამ მე არ შემეძლო მისი მოსმენა, რადგან სხვა ათასი ხმებით ვიყავი სავსე.
შემდეგ კი შევძელი და ვისწავლე საკუთარი გულის მოსმენა. მხოლოდ მის ძახილს მივყვევი. ის მეუბნებოდა, რომ მე, როგორც შენ, ერთადერთი ვიყავი ამ სამყაროში და ჩემი ოცნებებისთვის უნდა მებრძოლა. ამას მე საკუთარ თავთან მარტო დარჩენის შემდეგ მივხვდი. დავიწყე მუშაობა საკუთარ თავზე. ვმუშაობდი და ვსწავლობდი. შემდეგ ყველაფერს ეტაპობრივად მივაღწიე. ვიპოვე საყვარელი საქმე და მას მივუძღვენი მთელი ცხოვრება. შესაბამისად ვიპოვე ნამდვილი ბედნიერება!
ამ ჩანაწერს კი კაფეში ვწერ ახლა. საოცარი გარემოა გარშემო. ეზოში ნაძვის ტოტები წვიმის წვეთებით არის დანამული.
ფანჯრიდან ჩანს ნისლში ჩაძირული რამდენიმე კოტეჯი. შორს, საკვამურიდან ამოდის კვამლი. ალბათ ბუხრის პირას სხედან ადამიანები და მიირთმვენ ცხელ ჩაის. ნისლი გავს ღმერთის სუნთქვას. ეზოში ცხენი ძოვს ბალახს. სველდება. მე კი ვაგრძელებ წერას და ვუტოვებ მას, სამყაროს.
არ დანებდე როდესაც ცუდად ხარ! იპოვე ადგილი, სადაც შეძლებ განმარტოებას, მოუსმინე მდინარის ხმას, მოეფერე ბუნებას და მოუსმინე საკუთარ სულს. გაიგე რა გსურს სინამდვილეში ! შენს მიზნებს ხომ ყოველთვის წაიკითხავ, მოშრიალე ხეების ხასხასა ფოთლებზე. ზღვის ნაპირზე მიმობნეულ ნიჟარებში მოუსმენ როგორ უნდა იბრძოლო ყველაფრისთვის. ისწავლე ნიშნების მოსმენა. იყავი განსაკუთრებული და დასამახსოვრებელი ადამიანი. ეს ხომ ძალიან კარგია, იყო შესამჩნევი! იყო ბედნიერი და ტკბებოდე შენი ცხოვრებით. ასეთ ბედნიერებას ყველა ვიმსახურებთ. სწორედ ამიტომ მოგვეცა გონება და გული, რომ გამოვიყენოთ ჩვენი შესაძლებლობები და ეს ცხოვრება გვიხაროდეს.



გამოიწერეთ სიახლეები უფასოდ!

Signup now and receive an email once I publish new content.

I will never give away, trade or sell your email address. You can unsubscribe at any time.

About author

დადუნა ნადარაია
დადუნა ნადარაია 56 posts

მე ვარ დადუნა ნადარაია – ჟურნალისტი, ბლოგერი და პუბლიცისტი. მიყვარს სამოტივაციო სტატიების წერა, მოგზაურობა და წიგნები. ძალიან მინდა ადამიანებმა ჩემს ირგვლივ და მთელს სამყაროში დაიჯერონ რომ არიან განსაკუთრებულები და შეუძლიათ წარმატების მიღწევა.ჩემი დევიზია "იმუშავე მაშინაც კი როდესაც სხვებს სძინავთ."

View all posts by this author →

You might also like

სიახლეები

რისი თქმა შეუძლიათ ხელებს თქვენი ხასიათის შესახებ

B2P.GE აქვეყნებს  მარტივ ტესტს, რომელსაც შეუძლია თქვენზე ბევრი რამის თქმა. ყველაფერი მარტივად არის. დააკვირდით თქვენს ფრჩხილებს და შეეცადეთ განსაზღვროთ მათი ფორმა — თქვენ დაგეხმარებათ ქვემოთ მოცემული სურათი. თუ ვერ იპოვით თქვენს «ტიპს»,

ფსიქოლოგია

ყოველდღიური 5 პოზიტიური მოწოდება: ოთხშაბათი

დაიწყეთ დღე პოზიტიურად, შემატეთ ფიქრს დადებითი მუხტი და იმოქმედეთ ამ შემართებით. ცხოვრების გზაზე რაც მეტ სირთულეს გადალახავ, მით უფრო კმაყოფილი რჩები საკუთარი თავის – რამდენი რამ შეგძლებია. უსიყვარულოდ საქმის კეთება

სიახლეები

არქიტექტორმა ალპებში სასტუმროს პროექტი შეიმუშავა. ეს ფანტასტიურია

არქიტექტორმა არმინ სინონერმა შეიმუშავა სასტუმროს წარმოუდგენელი პროექტი ალპებში, რომელიც განთავსებულია ხეობაში, კლდეებს შორის 2000 მ-ის სიმაღლეზე. სასტუმრო გაყოფილია სამ სექტორად, მომსახურების კლასის მიხედვით. ყველაზე ძვირადღირებული ნომრები განთავსებულია შენობის ზედა ნაწილში.