მომართეთ ფოკუსი პოზიტივზე და ბედნერებაზე, თქვენ ეს შეგიძლიათ!

მომართეთ ფოკუსი პოზიტივზე და ბედნერებაზე, თქვენ ეს შეგიძლიათ!

წარუმატებლობა არის და ყოველთვის იქნება ცხოვრებაში, თუმცა საინტერესოა ადამიანების ორი სახე, რომელიც სრულიად განსხვავებულად უყურებენ ცხოვრებაში ყველაფერს. მე მათზე მოგითხრობთ…..

პირველი — რომლებიც წარუმატებლობას უყურებენ ძალიან სერიოზულად და პრობლემად.

მეორე — რომლებთათვისაც წარუმატებლობა დიდი გამოწვევა და შესაძლებლობა, რომ რაღაც სწორად გააკეთონ ცხოვრებაში.

რომ შევადაროთ ერთმანეთს ეს ორი კატეგორია, ვნახავთ, რომ როგორც კი ცხოვრებაში ჩნდება  რაღაც პრობლემა, ჩავარდნა და წარუმატებლობა, ერთნი ამბობენ: ‘’ყველაფერი დამთავრდა”, ”მე უიღბლო ვარ”, ”არასოდეს მიმართლებს”, ”ხომ ვამბობდი”, ”აღარაფერს აღარ ვცდი’’ და ა.შ. მსგავს მომწამვლელ სიტყვებს და იწყებენ თავის სიტყვების შესაბამისად ნერვიულობას…

ხოლო, მეორე კატეგორია ადამიანები არიან მათგან სრულიად განსხვავებული ხედვით, საქმით და შედეგებით. როდესაც ისინი აღმოჩნდებიან მსგავს ცხოვრებისეულ პრობლემებში და განიცდიან წარუმატებლობას, უსვამენ საკუთარ თავს პრინციპულ შეკითხვას: მე რა გავაკეთე არასწორად? რა უნდა გამეკეთებინა ან რა არა? და საკუთარ თავზე ჩაღრმავებით და მიღებულ შედეგებზე პასუხიმგებლობის საკუთარ თავზე აღებით, სწრაფადვე პოულობენ გამოსავალს და სხვებისგან განსხვავებით იწყებენ მოქმედებას, ახალი გზებით და ერთით მეტი გამოცდილებით.

მათ იციან, რომ ნებისმიერი წარუმატებლობა არის ახალი ცოდნის მიღების ერთ-ერთი საუკეთესო საშუალება და ისინიც ამ შანსს ხელიდან არ უშვებენ! და აი, ასე ვარ სწორედ მეც. ჩემი სტატიები სწორედ ჩემი აზროვნების ასეთი სტილის საფუძველზე იქმნება. ყოველთვის ვცდილობ ყოველ დღე რაღაც ახალი ვისწავლო ჩემი შეცდომებიდან, სხვისი გამოცდილებისგან, წიგნებისგან, სტატიებისგან და უბრალოდ ცხოვრების ყოველდღიურობისგან და მათი გაანალიზების შემდეგ, ვცდილობ ჩემი ანალიზი და გამოცდილება უკვე სხვა ადამიანებს გავუზიარო.

ამ სტატიის შთაგონებაც სწორედ რომ ორი განსხვავებული ადამიანის ცხოვრების შედარებამ მომცა. ორივეს ძალიან ახლოს ვიცნობ და ერთმანეთისგან რამდენადაც განსხვავებულნი არიან აზროვნებით, იმდენად განსხვავებულია მათი ცხოვრების ხარისხი და შემოსავლებიც.

მეორე კატეგორია ადამიანების ცხოვრება სავსეა ბედნიერებებით. ისინი ეძებენ მხოლოდ ბედნიერებას და პოულობენ კიდეც, ყოველ დღე და ყოველ საათში. ასეა პრობლემების შემთხვევაშიც. რადგან თუ ვეძებთ მას, ვიპოვით კიდეც. როდესაც ვეძებთ ცხოვრებაში ბედნიერებას, გავოცდებით რამდენ საოცარ, საინტერესო და მშვენიერ მომენტებს დავინახავთ, რაც სულ ცოტა უფრო გაგვაბედნიერებს და გაგვახარებს იმ კონკრეტულ მომენტში. მთავარია ჩვენი ფოკუსი რაზე იქნება მიმართული. მომართეთ ფოკუსი ბედნიერ მომენტებზე, სილამაზეზე, მშვენიერებაზე, სიყვარულზე, სიხარულზე, ერთგულებასა და პოზიტივზე და ნახავთ, როგორ გამრავლდება ეს ყველაფერი თქვენს ყოველდღიურ ცხოვრებაში.

გახსოვდეთ, ნებისმიერი პოზიტიურად მოაზროვნე ადამიანში არსებობს ნეგატიური ფიქრები, უბრალოდ მათ შეუძლიათ მართონ საკუთარი თავი და აზროვნების პოზიტივის ნათელი მხარე აირჩიონ.  

იაზროვნე პოზიტიურად!

გამოიწერეთ სიახლეები უფასოდ!

Signup now and receive an email once I publish new content.

I will never give away, trade or sell your email address. You can unsubscribe at any time.

About author

მარიამ შარიქაძე
მარიამ შარიქაძე 76 posts

სამოტივაციო ბლოგერი და ელ-ჟურნალისტი. იხილეთ მეტი ჩემს შესახებ: www.mariamsharikadze.wordpress.com

View all posts by this author →

You might also like

პიროვნება და სოციუმი

5 რეკომენდაცია თვითგანვითარებისთვის

1. თავისუფალი დრო გაატარეთ თქვენთვის სასიამოვნო ადამიანებთან ერთად დასვენებას მოაქვს სიამოვნება, ჭეშმარიტი სიამოვნება მხოლოდ მაშინ დგება, როცა გარშემო ის ადამიანები გყავთ, ვისაც გულწრფელად უყვარხართ, პატივს გცემენ და მზად არიან რთულ

სიახლეები

გააკეთე ის, რისიც გეშინია!

ხშირად გვესმის „კომფორტის ზონის“ შესახებ, მაგრამ ცოტას თუ ესმის მისი მნიშვნელობა და ის, თუ რატომ არის მნიშვნელოვანი მისი დატოვება. ბევრი თვლის, რომ ეს არის მდგომარეობა, სადაც თავს ფიზიკურად ან ემოციურად

სიახლეები

როგორ დავეხმაროთ ბავშვს შიშის დაძლევაში

სიბნელისა თუ მარტო დარჩენის შიში ხშირად დისკომფორტს უქმნის როგორც ბავშვებს, ისე უფროსებს. რა იწვევს შიშებს? როდის და როგორ უნდა დავეხმაროთ ბავშვებს მათ დაძლევაში და რა შეცდომებს უშვებენ მშობლები შვილის შიშებთან