მადა, როგორც ფინანსური ხაფანგი

მადა, როგორც ფინანსური ხაფანგი

ალბათ ხშირად გსმენიათ ან გამოგიცდიათ კიდეც, რომ შემოსავლების გაზრდის მიუხედავად ფინანსური მდგომარეობის გაუმჯობესება ვერ ხერხდება, უფრო მეტიც შესაძლოა შემოსავლების გაზრდამ ფინანსურ ჩიხამდეც მიგვიყვანოს.

რატომ?

ამ კითხვას სულ რაღაც ერთ სიტყვიანი პასუხი აქვს: მადა …

შემოსავლების გაზრდასთან ერთად იზრდება მადა.
მადის გაზრდა შეიძლება გულისხმობდეს ახალ ტელეფონს, ახალ მანქანას, ახალ ბინას, ახალ კაბას და ბევრ სხვა ახლ მატერიალურ ნივთს.

ისე ნუ გამიგებთ თითქოს ამ ყველაფრის წინააღმდეგი ვიყო, უბრალოდ ხშირ შემთხვევებში ეს ქმედებები უფრო იმპულსურია და საუკეთესო ნაბიჯად არ შეიძლება ჩაითვალოს. რადგან საწყის ეტაპზე შემოსავლების გაზრდის დროს ჩვენ აქცენტს მხოლოდ შენაძენზე ვაკეთებთ და უკვე ბანკში მისულები სესხის, განვადების თუ საკრედიტო ბარათების აღების მოლოდინში, რომელიც სასურველი ნივთის შეძენას ემსახურება, ჯერ კიდევ საუკეთესო ნაბიჯად გვეჩვენება იმ იმედით, რომ ჩვენი შემოსავლები სხვა მოთხოვნილებებსაც დაგვიკმაყოფილებს და შენაძენზე გაწეულ ხარჯებსაც აგვინაზღაურებს, თუმცა შემდგომში, როცა ყოველთვიურად დაკისრებული ფინანსური ვალდებულება გვიხმობს ჩვენს მიერ აღებული პასუხისმგებლობის შესრულებას, მხოლოდ მაშინღა ვხვდებით, რომ ავჩქარდით, ჯობდა ფინანსები სხვაგვარად გაგვენაწილებინა, ან შენაძენი ეტაპობრივად გავეკეთებინა, ან დავფიქრებულიყავით რეალურად გვჭირდებოდა თუ არა ეს ნივთები რაც შევიძინეთ, ან იქნებ ჯობდა შემოსავლების ზრდით ინვესტირება გაგვეკეთებინა თუნდაც მცირე დანაზოგით და ა.შ.

არადა თურმე საჭირო ყოფილა სწორი გათვლების გაკეთება. თურმე აუცილებელი ყოფილა საკუთარ ფინანსებში გარკვევა, შემოსავლების დაგეგმვა-განაწილება.

აუცილებელია დაინახო საკუთარი ფინანსური მდგომარეობა გრძელ ვადაში და ისე იმოქმედო. ამისთვის კი საჭიროა ყოველდღიური აღრიცხვა ხარჯებისა.

ციფრებში დანახული ხარჯები უფრო ნათელ სურათს ქმნის და რამოდენიმე თვეში ჩვენ უკვე რეალური წარმოდგენა გვექმნება ჩვენს ფინანსურ მოძრაობაზე, რაც საბოლოო ჯამში გვაძლევს იმის საშუალებას, რომ სწორად ვმართოთ ჩვენი ფინანსები.

ავტორი: თეონა გლოველი

Print Friendly, PDF & Email

ავტორის შესახებ

B2PGE
B2PGE 1493 posts

ჩვენ მაქსიმალურად ვცდილობთ ხელი შევუწყოთ პოზიტიურ აზროვნებას, დავთესოთ ჩვენს საზოგადოებაში კეთილი მარცვლები, მეტი წარმატების ნაყოფის მოსატანად და ამაში ჩვენ მთელ სულს და გულს ვდებთ.

ავტორის ყველ სტატიის ნახვა →

თქვენ ასევე დაგაინტერესებთ