იგავი: „გლახაკი და ქილა ერბო“

იგავი: „გლახაკი და ქილა ერბო“

”ერთი გლახაკი კაცი მივიდოდა გზასა ზედა და ერთი ქილა ერბო ჰპოვა. აიღო ქილა, საკიდარში ჯოხი გაუყარა და მხარზე შეიდვა. დაიწყო გზა-გზა სვლა და გულთა ამასა უბნობდა:

– აწ გამდიდრება მოინდომა ღმერთმან ჩემი. ჩავალ ქალაქად და ერბოს ნახევარ მარჩილად გავყიდი: მით თორმეტს ქათმის სამამლე წიწილებს ვიყიდი, მოვიყვან, დავზრდი, დავყვერავ, დავასუქებ და თითოს თითო აბაზად დავყიდი. მერმე მით საეშვე გოჭებს ვიყიდი, დავასუქებ, დავაკერატებ და ორ-ორ მარჩილად დავყიდი.

მერმე მით სახარე ხბორებს ვიყიდი, დავზრდი, მოვხნავ, მოვთესავ და აშენებული შევიქმნები.

და ამ გულისთქმაში შეშა აუდვა და ქალაქს გასასყიდლად წამოიღო.

ერთი ხიდი დახვდა. თქვა მან კაცმან: აქ ხარი არ გაიარს, ხმა გავცეო. შესძახა: ჰარიო!..”

მოეწონა გლახაკს თავისი გულისთქმა და განაგრძო სვლა გახარებულმან. ჩავიდა ქალაქს, ერბო ნახევარ მარჩილად გაყიდა და იმით წიწილები იყიდა. დაზარდა, დაასუქა და იმით გოჭები იყიდა, მერმე ხბორები. გარჯისა და კეთილი გულისთქმისთვის ღმერთმან განამდიდრა იგი და მალევე ქალაქისაკენ მისასვლელი ხიდიც აღაშენა დიდად. მერმე სხვა მეხრემთაც იწყეს მასზედ სვლა. აშენდა ხალხი და აშენდა სოფელიც და ყველანი ღმერთსა სწირავდნენ მადლს.

განმარტება

ამას წინათ მე და ჩემი მეგობრები ვსაუბრობდით და ვგეგმავდით ჩვენს მომავალს. ერთი მეორეს იდეას ახალ იდეას ამატებდა და ავსებდა. ყოველი ახალი ნაბიჯი ჩვენში დიდ სიხარულს იწვევდა და როდესაც სასურველ წერტილს მივაღწიეთ გლახაკისა და ერბო ქილის იგავი გაგვახსენდა. ყველას გული დაგვწყდა, თითქოს ყველაფერი წამში ჩამოიშალა და ჩვენი ყურებიც ჩამოიყარა. მაშინ გაჩნდა იდეა, რომ ჩვენში ასე ღრმად ფესვებგამდგარი იგავი გადაწერილიყო და გონებაში ღრმად ჩაბეჭდილი ეს მუხრუჭიც გამქრალიყო.

გლახაკი კარგი ადამიანია. იგი პირველ რიგში ღმერთს ახსენებს, შემდეგ კი გეგმავს ნაბიჯ-ნაბიჯ. იგი არ არის ის პერსონაჟი, რომელსაც არაფრის კეთებით უნდა აშენება. იგი გეგმავს, ემზადება გარჯისათვის და საამისოდ გზასაც კი გაუდგა. ასეთი ადამიანები საზოგადოებისთვის სასარგებლონი არიან, რადგანაც ხედავენ საზოგადო პრობლემებსაც, რაც ამ შემთხვევაში უხეირო ხიდია.

ბევრი იტყვის, „სიბრძნე სიცრუისაში“ მოყოლილი გლახაკის ამბავი ნამდვილი და ცხოვრებისეულიაო… კი, მაგრამ ცოტა გვინახავს მასსავით მართლა აშენებული ჩვენს სამყაროში? ამიტომაც იქნებ უმჯობესი იყოს მოზარდებსა და ზრდასრულებს უფრო მეტი წარმატების ამბავი მოვუყვეთ, ვიდრე მარცხისა და მუხთალი ცხოვრების?

ჩვენი ფიქრები, ხედვები და წარმოდგენები ქმნიან ჩვენს რეალობას, აღძრავენ ჩვენს ყოველდღიურ ნაბიჯებს და გვაქცევენ იმად, რაც ვართ, ან გვინდა რომ ვიყოთ.

და ბოლოს,

კაცი ბჭობდა, ღმერთი მხარში ედგაო…!!!

ავტორი: თორნიკე ჩარგეიშვილი

გამოიწერეთ სიახლეები უფასოდ!

Signup now and receive an email once I publish new content.

I will never give away, trade or sell your email address. You can unsubscribe at any time.

ავტორის შესახებ

B2PGE
B2PGE 1537 posts

ჩვენ მაქსიმალურად ვცდილობთ ხელი შევუწყოთ პოზიტიურ აზროვნებას, დავთესოთ ჩვენს საზოგადოებაში კეთილი მარცვლები, მეტი წარმატების ნაყოფის მოსატანად და ამაში ჩვენ მთელ სულს და გულს ვდებთ.

ავტორის ყველ სტატიის ნახვა →

თქვენ ასევე დაგაინტერესებთ

ის, რაც ცხოვრებამ დღემდე მასწავლა …

ვინც გვისმენს, თითოეული ადამიანი იმსახურებს დიდ პატივისცემას. წარმოიდგინეთ, თქვენ რომ გულისყურით უსმენთ ადამიანს და მისგან იგნორი იგრძნობა, როგორი უსიამოვნოა. ახლა წარმოიდგინეთ, პირიქით, პატივისცემა რომ იგრძნობა, როგორი სასიამოვნოა. ხანდახან ხდება ისე,

დროის მართვის 15 მეთოდი

1. ნუ გექნებათ მეხსიერების იმედი, ჩაიწერეთ ყველაფერი და გაათავისუფლეთ ტვინი. 2. შეადგენიეთ პირორიტეტების სია. ეს დაგეხმარებათ კონცენტრირება მოახდინოთ მთავარზე და დრო არ დახარჯოთ ფუჭად მეორეხარისხოვან საკითხებზე. 3. ყოველი კვირის ბოლოს

ჩვევები ბედნიერებისთვის: ყოველდღიური 7 ხრიკი

ჩვენ წარმატებულ დროში ვცხოვრობთ, რადგან სულ უფრო მეტის გაგება შეგვიძლია, მეცნიერები გვაძლევენ სამყაროს მართვის ინსტრუმენტებს. აუცილებელი არ არის ველოდოთ მომენტს, როცა რაიმე კარგი მოხდება. ჩვენ თავად შეგვიძლია ყოველი დღე უკეთესი

გაბედე თქვა ”არა”

უარის თქმა ძალიან ბევრი ადამიანისთვის დიდ სირთულეს წარმოადგენს. ხშირად გვთხოვენ დახმარებას, კინოში წასვლას, გასეირნებას ან უბრალოდ საუბარს და ამის გაკეთება ჩქვენთვის სულაც არ წარმოადგენს სირთულეს, მაგრამ გიფიქრიათ იმაზე, თუ რაში

12 ფსიქოლოგიური ხრიკი, რომლებიც თქვენს ცხოვრებას გაამარტივებს

ყოველი ჩვენგანი უნიკალურია, მაგრამ ყურადღებიანი ფსიქოლოგები მაინც ნახულობენ ქცევის შაბლონებს, რომლებიც ბავშვობიდან იდება ჩვენში. B2P.GE  გიზიარებთ რამოდენიმე ფსიქოლოგიურ ხრიკს, რომლებიც დაგეხმარებათ დაალაგოთ ურთიერთობა გარემოცვასთან და გაიმარტივოთ ცხოვრება. იმისათვის, რომ გაარკვიოთ ადამიანს

ამდენი წელი გავიდა და ეს ბიჭები ისევ მაგრები არიან! ისინი აღფრთოვანებას იმსახურებენ!

მსახიობები, რომლებიც 80-იან წლებში მსოფლიოს მილიონობით ადამიანისთვის კუმირები იყვნენ და დღესაც ბევრს აღაფრთოვანებენ საკუთარი გარეგნობით. ეს მხიარული ფოტოსესია გასულ წელს კანის კინოფესტივალზე გაიმართა, სადაც წარმოდგენილი იყო გახმაურებული ფილმის „შეუჩერებელნი“ –