გაბედე თქვა ”არა”

გაბედე თქვა ”არა”

უარის თქმა ძალიან ბევრი ადამიანისთვის დიდ სირთულეს წარმოადგენს. ხშირად გვთხოვენ დახმარებას, კინოში წასვლას, გასეირნებას ან უბრალოდ საუბარს და ამის გაკეთება ჩქვენთვის სულაც არ წარმოადგენს სირთულეს, მაგრამ გიფიქრიათ იმაზე, თუ რაში გჭირდებათ ყოველივე ეს? ან ნამდვილად სჭირდება თუ არა ეს მას, ვინც გთხოვთ? ძალიან ხშირად, ამ კითხვაზე პასუხია – არა!

საქმე იმაშია, რომ ცხოვრებაში ბევრ რამეს გაუაზრებლად ვაკეთებთ. საბოლოოდ, ბევრი ადამიანი ხვდება, რომ წლები დაკარგა იმის კეთებით, რისი მნიშვნელობაც ნულის ტოლია, ხოლოს ყველაზე მნიშვნელოვანი ამის ხარჯზე მიუვიწყებია. ძალიან მნიშვნელოვანია გვახსოვდეს: თუ რაღაცის გაკეთება შეგვიძლია, არ ნიშნავს იმას, რომ აუცილებელად უნდა გავაკეთოთ.

რატომ და როგორ ვთქვათ უარი?!

უარი, ზოგჯერ, დახმარებაზე მეტად სასარგებლოა. ჩვენს ცნობიერებაში ჩაბეჭდილია სხვისი დახმარების სურვილი, მაგრამ ხშირად ვერ ვაცნობიერებთ, რომ დახმარებით შესაძლოა საპირისპირო შედეგი მივიღოთ. მათ, ვისაც უარის თქმა არ შეუძლია, ჰგონიათ, რომ მათი დახმარების გარეშე ადამიანს უარეს მდგომარეობაში ჩააგდებენ, თუმცა ცდებიან. მაგალითად: თუ ბავშვს ერთხელ დაეხმარებით დავალების შესრულებაში, იგი მადლობას გეტყვით, თუ სამჯერ – ის დაინახავს კანონზომიერებას და ჩათვლის, რომ ვალდებული ხართ მეოთხედაც დაეხმაროთ, ამით თქვენ არ აძლევთ მას საშუალებას თავად ისწავლოს „ფრენა“. ზოგჯერ, უარის თქმით, ადამიანს ვეხმარებით წარმოაჩინოს საკუთარი შესაძლებლობები.

დაადგინეთ პირადი საზღვრები. პირადი საზღვრების დადგენა, ნიშნავს განსაზღვროთ საკუთარი პრიორიტეტები. როცა მკაფიოდ გაქვთ განსაზღვრული თუ რა არის თქვენთვის მნიშვნელოვანი, მარტივად ფილტრავთ ყველა უმნიშვნელო მოვლენას. მაგალითად: თუ ალკოჰოლთან ნეიტრალური დამოკიდებულება გაქვთ, ადვილი იქნება თქვენი მიტყუება ხმაურიან მსმელთა კამპანიაში. მაგრამ, თუ კატეგორიულად არ სვამთ, თქვენი დათანხმება შეუძლებელი იქნება და, დიდი ალბათობით, დაკავდებით ბევრად უფრო მნიშვნელოვანი საქმით.

იმისათვის, რომ შეძლოთ უარის თქმა სხვისთვის, ამის გაკეთება საკუთარ თავთან უნდა შეგეძლოთ. უპირველეს ყოვლისა უნდა ვიცოდეთ, რომ უარის თქმა სხვისთვის უფრო რთულია, ვიდრე საკუთარი თავისთვის. წონაში დაკლება, მაგალითად, ძალიან მარტივია – საკმარისია უარი თქვა ტკბილ ფუნთუშაზე ძილის წინ. უბრალოდ თქვით და გააკეთეთ.

წარმატება. უარის თქმის ცოდნა ნიშნავს იმას, რომ შეგიძლია გახდე წარმატებული. წარმატებულმა ადამიანმა იცის დროის ფასი, შეუძლია მისი სწორად გადანაწილება და არ ხარჯავს მას ფუჭად. თუ მას სასეირნოდ წასვლაზე დაითანხმებთ, ეს მისთვის მნიშვნელოვანი იქნება, მან ზუსტად იცის რისთვის აკეთებს ამას. სწორედ იმიტომ არიან ისინი წარმატებულები, რომ შეუძლიათ უარის თქმა. მათ აქვთ ძლიერი ნებისყოფა.

დარწმუნების უნარი. არა – ნიშნავს არას! ყველაზე ცუდი მომენტია, როცა ბევრი უარის მიუხედავად თქვენი თანამოსაუბრე მაინც ცდილობს თქვენს დაყოლიებას. ეს იმას ნიშნავს, რომ იგი ვერ დაარწმუნეთ. ზოგ სიტუაციაში უარი ფლირტს ჰგავს. უნდა ისწავლოთ საკუთარი პრიორიტეტების მკაფიოდ გადმოცემა, რათა თქვენი თანამოსაუბრე დარწმუნდეს, რომ აზრს არ შეიცვლით.

პატივისცემა. უარს არ ამბობს მხოლოდ ის, ვისაც არ შეუძლია რამით დაკავდეს. იპოვეთ საკუთარი საქმე და ნახავთ, რომ სხვისი საქმის და ახირებების შესასრულებლად დრო აღარ დაგრჩებათ. აჩვენეთ მათ, რომ თქვენთვის საკუთარი საქმე უფრო მნიშვნელოვანია და ისინიც დააფასებენ თქვენს დროს. დახმარებას კი გთხოვენ მხოლოდ აუცილებელ და გადაუდებელ სიტუაციებში.

მნიშვნელოვანია იცოდეთ, თუ როგორ თქვათ უარი ისე, რომ არ აწყენინოთ.

თქვით, რომ დაფიქრდებით. ასეთ დროს თქვენი თანამოსაუბრეც იწყებს ფიქრს, ნამდვილად არის თუ არა ეს საქმე მნიშვნელოვანი. საბოლოოდ უფრო რბილად შეძლებთ უარის თქმას.

გადაუხადეთ მადლობა ნდობისთვის და მოუხადეთ ბოდიში. თავაზიანობა ყოველთვის დიდი პლიუსია. ასე შეძლებთ უარის თქმას ნეგატივის გარეშე.

არასდროს ინანოთ, რომ უარი თქვით. ის, ვინც თქვენს დროსა და ენერგიას პატივს სცემს, ყოველთვის გაგიგებთ, ხოლო „პარაზიტები“ ჩამოგშორდებიან, რაც დიდი პლიუსია (შეეცადეთ ერთმანეთისგან კარგად განასხვაოთ „პარაზიტი“ და უბრალოდ სასოწარკვეთილი ადამიანი).

ყოველივე ზემოთ ხსენებული არ ნიშნავს, ყოველთვის და ყველასთვის უარის თქმას. უბრალოდ უნდა ისწავლოთ, როდის მისცეთ თავს იმის უფლება, რომ საკუთარი დრო სხვას მოახმაროთ და როდის თქვათ ამაზე უარი.

გამოიწერეთ სიახლეები უფასოდ!

Signup now and receive an email once I publish new content.

I will never give away, trade or sell your email address. You can unsubscribe at any time.

Print Friendly, PDF & Email

ავტორის შესახებ

თქვენ ასევე დაგაინტერესებთ

მოსმენა ეფექტური ლიდერის მახასიათებელი

მოსმენის ხელოვნება იზომება არა იმით რა პასუხს მოძებნი, ზოგჯერ სხვა ადამიანების გაგება ნებისყოფის დაძაბვას მოითხოვს. პეტ უილიამსი თავის წიგნში: „როგორ გავხდეთ ქოუჩი„ აღწერს ეფექტური მოსმენის მნიშვნელობას. „ვფიქრობ, იმისათვის რომ გახდე

Print Friendly, PDF & Email

როგორ გამოვიყენოთ პრობლემა ჩვენ სასიკეთოდ – 5 ნაბიჯი

როცა აცნობიერებ, რომ ცხოვრებაში ყველაფერი ჩვენთვის ხდება და არა ჩვენს წინააღმდეგ, მერე გაცილებით მარტივია ნებისმიერი წინაღმდეგობის და სირთულის გადალახვა. მაგრამ… ადამიანებს ყოველთვის გვაქვს გარკვეული მოლოდინები და არც საკმაოდ მორიდებული. მოლოდინი

Print Friendly, PDF & Email

როგორ გამოვასწოროთ შეცდომები?

ამბობენ, რომ ,,ზოგჯერ ჩვენს მიერ დაშვებული მცირე შეცდომები თავიდან დიდ შეცდომებს გვარიდებს, უფრო მეტიც, ზოგჯერ შეცდომა ცხოვრებაში შემოტრიალების წერტილად და უდიდესი წარმატების საწყის ნაბიჯად იქცევა ხოლმე…’’ და მიუხედავად ამისა, ყველა

Print Friendly, PDF & Email

Subway-ს დამფუძნებლის 8 რჩევა

Subway-ს დამფუძნებლის 8 რჩევა ბიზნესის გახსნასთან დაკავშირებით ფრედ დე ლუკამ პირველი სასაუზმე Subway 17 წლის ასაკში გახსნა და მას შემდეგ ბევრი რამ ისწავლა. 1. საჭირო არ არის იყო ორიგინალური საკუთარი

Print Friendly, PDF & Email

რამდენიმე რჩევა, რომელიც უნდა გავითვალისწინოთ წარმატების მისაღწევად

1. სამყაროს არ აინტერესებს  ხარ  სუსტი თუ არა.  არ  აღელვებს შენი გაუბედაობა. უბრალოდ ელოდება, რომ მისცე მას რაიმე ღირებული. სურს უბრალოდ დაგიმახსოვროს. ამიტომ იყავი ძლიერი, გაბედული, მიზანდასახული.გახდი განსაკუთრებული პიროვნება. 2.

Print Friendly, PDF & Email

რა მოხდება, თუ ბაყაყს ცხელი წყლით სავსე ქვაბში ჩავაგდებთ?

ის უმალ იფიქრებს: «აქ, მეტად არასასიამოვნოა. უნდა დავტოვო აქაურობა .». ამგვარად, ის ამოხტება ქვაბიდან. ▪ რა მოხდება, მაშინ თუ ბაყაყს ცივ წყალში ჩავაგდებთ, წყალს კი ნელ-ნელა გავაცხელებთ? ის მოდუნდება ▪

Print Friendly, PDF & Email