გააბით სასიყვარულო რომანი საკუთარ თავთან

გააბით სასიყვარულო რომანი საკუთარ თავთან

თუ თქვენ წარსულის მოგონებებით ცხოვრობთ, ოცნებობთ მომავალზე და არ შეგიძლიათ შეიგრძნოთ აწმყოში მიმდინარე მოვლენები, თუ თქვენ გამუდმებით ნეგატიური ფიქრები გაქვთ, თუ თქვენ ხშირად გაღიზიანებულები, უკმაყოფილოები ან გაბრაზებულები ხართ, თუ თქვენ ფიქრობთ, რომ იმაზე მეტს იმსახურებთ, ვიდრე გაქვთ, თუ თქვენს წარუმატებლობას სხვებს აბრალებთ, თუ თქვენ დიდ ყურადღებას აქცევთ იმას, თუ რას ფიქრობენ სხვები – მაშინ ნამდვილად დროა რაღაც შეცვალოთ!

ვიყოთ გულწრფელები და გამოვუტყდეთ საკუთარ თავს რომ პრობლემა ჩვენშია და არა სხვებში. თუ უკეთესი ცხოვრება გვსურს, თავად უნდა გავხდეთ უკეთესები. გავხსნათ გონება ახლისა და ცვლილებების მისაღებად!

მოდით თავი დავანებოთ სხვებს: ქმრებს, ცოლებს, შვილებს, მშობლებს, მეგობრებს, მეზობლებს, კოლეგებს, მთავრობას, ქვეყანას, სამყაროს. გადავეჩვიოთ სხვებზე ყველაფრის გადაბრალებას. წარუმატებლობის საწინდარი არაცნობიერი გონებაა, ამიტომ პირველ რიგში საკუთარი თავის შეცნობა და პიროვნული განვითარებაა საჭირო.

დავკავდეთ საკუთარი თავით და მერე დანარჩენით! გავმართოთ მოლაპარაკებები საკუთარ თანვთან! გავაბათ სასიყვარულო რომანი საკუთარ თავთან! გავხდეთ საკუთარი თავისთვის საინტერესო!

ცხოვრებაში წარმოქმნილ დაბრკოლებებს არ უნდა შევუშინდეთ, რადგან იგი ხელს უწყობს ჩვენს სულიერ განვითარებას. ხოლო იმისთვის, რომ მივხვდეთ რა და როგორ შევცვალოთ, პირველ რიგში უნდა ვისწავლოთ საკუთარი თავის გაცნობიერება და ფიქრების ანალიზი, უნდა გავთავისუფლდეთ ეგოსა და საკუთარი თავის სიბრალულის გრძნობისგან. უნდა გავხდეთ მეტად ძლიერები, დამოუკიდებლები, გონიერები, პასუხისმგებლიანები, გახსნილები. ეს ყველაფერი მხოლოდ ჩვენ შეგვიძლია და ნუ ველოდებით სხვას.

ხოდა დავიწყოთ საკუთარი თავით, ამისთვის კი ხშირად უნდა განვმარტოვდეთ და დავაკვირდეთ საკუთარ თავს. გავაცნობიეროთ ჩვენი ფიქრები, შეგრძნებები, ქმედებები და მათი გამომწვევი მიზეზები. ეს მხოლოდ პირველი ეტაპია, ამის შემდეგ თავადვე ვიპოვით სწორ პასუხებს!

მხოლოდ საკუთარ თავთან ჰარმონიაში მყოფ ადამიანს შეუძლია ჰარმონიული ცხოვრება სხვებთან და სამყაროსთან!

Print Friendly, PDF & Email

About author

You might also like