დენ კენედის 10 რჩევა დროის დაგეგმვასთან დაკავშირებით

დენ კენედის 10 რჩევა დროის დაგეგმვასთან დაკავშირებით

ტექნიკა №1. ტელეფონზე დამოკიდებულება
თქვენ უნდა გათავისუფლდეთ ტელეფონის, ფაქსის, ელ-ფოსტის ტირანიისგან. ნაკლებად უპასუხეთ ტელეფონს, ან საერთოდ არ უპასუხოთ, თუ ეს აუცილებლობას არ წარმოადგენს. გადაურეკეთ თავად, როცა ამისთვის შესაფერისი და მოსახერხებელი დრო გექნებათ.
ეს ტექნიკა კარგად უნდა შეითვისოთ, რადგან სწორედ ტელეფონი წარმოადგენს პირველად ფაქტორს ბევრისთვის, რაც ხელს უშლით დროის სწორად გადანაწილებასა და საქმის შესრულებაში. თუ ყველა შემოსულ ზარს პასუხობთ, ეს იმას ნიშნავს, რომ დროს საერთოდ არ უფრთხილდებით, უფრო მეტიც, საკუთარი დროის კონტროლის უფლებას აძლევთ სხვებს და შედეგად ვერ ასწრებთ ჩანიშნული საკითხების მოგვარებას.

ტექნიკა №2. მინიმუმ საქმიანი შეხვედრები
ნებისმიერი გზით შეეცადეთ შეამციროთ საქმიან შეხვედრებზე გატარებული დრო. საქმიან შეხვედრებზე არასოდეს არაფერი არ ხდება რეალურად. თქვენ გჭირდებათ ტაქტიკა, რომელიც დაგეხმარებათ დროის ამ ფორმით ხარჯვის შემცირებაში. თუ თათბირი ან შეხვედრა გაქვთ, შეეცადეთ საუბარი იყოს მოკლე და საქმიანი.

ტექნიკა №3. აბსოლუტური პუნქტუალურობა
ყოველთვის იყავით იქ, სადაც საჭიროა, ზუსტ დროს, ყოველგვარი გამონაკლისების გარეშე. პირადი პუნქტუალურობა საშუალებას მოგცემთ იგივე მოლოდინი და მოთხოვნები გქონდეთ სხვების მიმართ – ეს რეალურად დროის დაფასებაა. პუნქტუალური ადამიანი ავტომატურად იღებს უპირატესობას თანამშრომლებს, პარტნიორებს, დილერებს და კლიენტებს შორის. პუნქტუალურობა – პირადი ავტორიტეტის წყაროა.

ტექნიკა №4. სიების შედგენა
არ არსებობს დროის დაგეგმვის სისტემა, რომელიც არ ეყრდნობა შესასრულებელი საკითხების სიის შედგენას. ყველაფრის დამახსოვრება შეუძლებელია. თუ თქვენ «თავისუფალი ნატურა» ხართ, ალბათ გეჩვენებათ, რომ სიები გთრგუნავენ ისე, როგორც პატარა ზომის სამოსი. სინამდვილეში სიები ათავისუფლებენ: რაც უფრო მეტ წვრილმანს ჩაიწერთ, მით უფრო ნაკლები რამის დამახსოვრება და თავში ქონა დაგჭირდებათ. ამის შემდეგ თქვენი ტვინი ნამდვილად მზად იქნება რეალური მუშაობისთვის.

ტექნიკა №5. საკუთარი მიზნების სამსახურში
იმის ერთად-ერთი მიზეზი, რომ ზოგიერთი ადამიანი სწრაფად ვერ ვითარდება და წარმატებას ვერ აღწევს, არის იმაში, რომ მათ საამისო მიზეზი არ აქვთ. პირადი ეფექტურობის მიზეზი არის ამის მიღწევის გზების ძიებაში. მაგრამ რა შეიძლება ჩაითვალოს ეფექტურობად? აი ერთ-ერთი განსაზღვრება: ეფექტურობა – ეს არის თქვენი დროის, ნიჭის, გონების, რესურსების და შესაძლებლობების გაცნობიერებული და ხანგრძლივი გამოყენება ისე, რომ ამ ყველაფერმა საშუალება მოგცეთ მიუახლოვდეთ მიზანს. ხშირად დაუსვით შეკითხვა საკუთარ თავს: «ვუახლოვდები თუ არა ჩემ მიზანს იმით, რასაც ახლა ვაკეთებ?». რაც უფრო ხშირად გასცემთ დადებით პასუხს, მით უფრო მაღალი იქნება თქვენი ეფექტურობა.

ტექნიკა №6. მოვლენების კატალოგი
აიღეთ 90 საქაღალდე, ყოველი ოცდაათი ეს არის ერთი თვე – მიმდინარე და ორი მომდევნო. ჩაალაგეთ ამ საქაღალდეებში წერილები, ფაქსები, მასალები კონკრეტულ დღეს შესრულებული სამუშაოს შესაბამისად. რა თქმა უნდა ყველამ იცის, რომ არსებობს კომპიუტერული პროგრამები, რომლებშიც იგივეს გაკეთებაა შესაძლებელი და თუ თქვენთვის ასე უფრო მარტივია, არანაირი პრობლემა არ არის, გააკეთეთ ისე, როგორც გეადვილებათ. თუმცა, რომელი ვარიანტიც არ უნდა შეარჩიოთ, ქაღალდის თუ ციფრული, მოვლენების კატალოგი – ეს ნამდვილად სასარგებლო ტექნიკაა.

ტექნიკა №7. დროის ბლოკები
თუ თქვენ ყველა საქმე წარმოდგენილი გაქვთ, რომელბიც უნდა შეასრულოთ, მაშინ შეგიძლიათ მათ შესასრლებლად წინასწარ დაბლოკოთ დრო – თუ ასე არ მოიქცევით, დიდი შანსია, რომ ვერაფერი ვერ მოასწროთ. დაიდეთ წინ კალენდარი და განსაზღვრეთ რაც შეიძლება მეტი დრო აუცილებელი საქმეებისთვის, ამის შემდეგ დაგრჩებათ ძალიან მოკლე ჩამონათვალი, რომელიც მოიცავს არაორგანიზებულ დღეებსა და საათებს. აუცილებელი საქმიანობისთვის დროის დაბლოკვით, თქვენ შეაჩერებთ სხვა ადამიანების ინტერესებს მუდმივად გადაგატანინო მნიშვნელოვანი საკითხები უკანა პლანზე ან მომდევნო საათის და დღისთვის.

ტექნიკა №8. მინიმუმ დაუგეგმავი მოქმედება
თავისუფალი დროისა და დაუგეგმავი მოქმედების შემცირება დაგეხმარებათ ავტომატურად შეამციროთ გაუმართლებელი ხარჯები. იდეალში საჭიროა ყოველი დღის გაწერა ნახევარ საათზე, თავიდან ბოლომდე. ნებისმიერი სამუშაო სრულდება უფრო სწრაფად და ეფექტურად, თუ წინასწარ განსაზღვრავთ დროს, რაც კონკრეტული საქმის შესრულებას სჭირდება და დათქვამთ მისი დასრულების ვადას. ამ გზით ხდება ასევე დაუგეგმავი ქმედებების მინიმიზაცია.

ტექნიკა №9. სარგებელი «ნაწილებისგან»
საცობში გაიჭედეთ? აუდიო ჩანაწერები დაგეხმარებათ საცობში დგომა აქციოთ დიდი გურუების მონაწილეობით ჩატარებულ სემინარად, ან სასარგებლო წიგნის წაკითხვის საშუალებად, სასაცილო კომედი-კლუბად ან შექსპირის ფესტივალად. ასევე შეგძლიათ უცხო ენების შესწავლა, მეხსიერების ან მათემატიკური შესაძლებლობების განვითარება – და ყველაფერი ეს იმ ჩანაწერების დახმარებით შეგიძლიათ, რომლებსაც მოუსმენთ საცობში დგომისას დროის ტყუილად დაკარგვის ნაცვლად. რას იტყვით რიგებში და აეროპორტებში მოცდის დროზე? ყოველთვის თან იქონიეთ ყურსასმენი, ფლეერი, ბლოკნოტი და «ტვინის საჭყლეტი» თემა.

ტექნიკა №10. რაც შეიძლება შორს ფარასგან
ამ ტექნიკასთან დაკავშირებით ყველაფერი გასაგებია. სამსახურში წადით ადრე ან ცოტა გვიან, ვიდრე დანარჩენები მიდიან. ეს ტექნიკა გასაგებია. ნუ გააკეთბთ შენაძენს სუპერმარკეტებში პარასკევს საღამოს. ნუ გაეწერებით სასტუმროდან დილის 8-9 საათზე და ნუ შეხვალთ საღამოს 6-8 საათისთვის, რადგან სწორედ ამ საათებში ტოვებენ და შედიან სასტუმროში ყველა. დააორგანიზეთ საკუთარი ცხოვრება ისე, რომ ძირითად ნაკადს ასცდეთ: ასე საკმაო დროისა და ნერვების დახარჯვას შეძლებთ.

გამოიწერეთ სიახლეები უფასოდ!

Signup now and receive an email once I publish new content.

I will never give away, trade or sell your email address. You can unsubscribe at any time.

About author

B2PGE
B2PGE 1549 posts

ჩვენ მაქსიმალურად ვცდილობთ ხელი შევუწყოთ პოზიტიურ აზროვნებას, დავთესოთ ჩვენს საზოგადოებაში კეთილი მარცვლები, მეტი წარმატების ნაყოფის მოსატანად და ამაში ჩვენ მთელ სულს და გულს ვდებთ.

View all posts by this author →

You might also like

ბიზნესი

10 ოქროს წესი სამუშაოს საუკეთესოდ ორგანიზების და დროის დაგეგმარებისთვის

ჯერ კიდევ ალბერტ ეინშტეინმა აღნიშნა, რომ ადამიანებს შეშის ჭრა მოქმედების თანმდევი შდეგის გამო უყვართ. სწოერდ შედეგის ხანგრძლივ მომავალში დადგომა არის ადამიანების სიზარმაცის ან ნელი მუშაობის მიზეზი, რაც უკავშირდება ბევრი ან

ფილოსოფია

40 მნიშვნელოვანი აზრი ცხოვრებაზე

1. თუ გინდა მშვიდად იცხოვრო – ნუ გაუკეთებ სიკეთეს, როცა ამას არავინ ითხოვს შენგან. წინააღმდეგ შემთხვევაში გახდები მხსნელი და აღმოჩნდები ბედის სამკუთხედში (მდევარი – მხსნელი – მსხვერპლი). 2. ცხოვრებაში არსებობს

სტრატეგია და მოქმედება

4 გზა, როგორ დავაბალანსოთ სამსახურის და ცხოვრების პრიორიტეტები

ადამიანთა უმეტესობა მუდმივად ვცდილობთ გავაკეთოთ უფრო მეტი და  სწრაფად და ამასთან ერთად შევძლოთ განტვირთვა და ნორმალურად დასვენება. თუმცა ყველას მოგვეხსენება, რომ  დღევანდელ გიჟურ ცხოვრების რიტმში, ეს არც ისე ადვილია. ფაქტია,