რით განსხვავდება ბიზნესმენის და «ჩვეულებრივი» ადამიანის აზროვნება?
1903 Views

რით განსხვავდება ბიზნესმენის და «ჩვეულებრივი» ადამიანის აზროვნება?

მომხმარებლის პოზიცია, ეს არის პასიური პოზიცია. ასეთი პოზიციისას ყელაზე მდიდარი ფანტაზიის მქონე ადამიანმაც შეიძლება მხოლოდ ის იფიქროს, თუ როგორ იშოვოს უფრო მეტი ფული. მაგრამ არა ის, თუ როგორ შექმნას რაიმე ახალი.
ბიზნეს იდეის მოძებნაზე საუბრის დაწყებამდე საჭიროა სამომხმარებლო ლოგიკის შეცვლა და მისი ბიზნესმენის ლოგიკით ჩანაცვლება. გთავაზობთ ამ გაგებებს შორის სხვაობას.

1. მომხმარებელი – მეწარმე.
თქვენ არ ხართ მომხმარებელი, თქვენ მწარმოებელი ხართ. საქონელზე ყურებისას თქვენ ფიქრობთ თქვენთვის, როგორც მომხმარებლისთვის გამოსადეგ არა მის სასარგებლო თვისებებზე, არამედ იმაზე, თუ როგორ შეძლებდით თავად გეწარმოებინათ და შეგეთავაზებინათ ადამიანებისთვის მსგავსი პროდუქტი. იგივე ეხება მომსახურებას – თქვენ ფიქრობთ, როგორ გაწევდით ამ მომსახურებას და ვინ გადაიხდიდა ამისთვის ფულს.

2. დაქირავებული მუშაკი — დამსაქმებელი.
ჩვენ ხშირად გვესმის: “მე მეტი ფული მჭირდება”, ან “მომიწევს ზეგანაკვეთური მუშაობა”, “იქნებ ღირს დამატებითი სამსახურის შოვნა”, “საჭიროა კვალიფიკაციის ამაღლება და უკეთესი სამსახურის შოვნა”. ეს ფრაზები შესაძლოა საკმაოდ გონივრულად მოგეჩვენოთ. და მაინც… ასე საუბრობენ ისინი, ვისაც საკუთარი საქმე არ აქვს.
თქვენ დამსაქმებელი ხართ. ამიერიდან ეძებთ არა სამსახურს, არამედ დაქირავებულ მუშაკებს. თქვენ კი არ გირჩევენ, თქვენ ირჩევთ იმ ადამიანებს, რომლებიც შეეფერებიან თქვენს საქმეს.

3. დაქვემდებარებული – ხელმძღვანელი.
თქვენ მუშაობთ საკუთარ თავზე. უფროსი აღარ გყავთ. თქვენი საწარმო ეს თქვენ ხართ. თქვენ თავად ხართ სხვების ხელმძღვანელი. თქვენ ამიერიდან აღარ გაქვთ განსაზღვრული თანამდებობა. დაქირავებული მუშაკების პირობებშიც კი, თქვენ საკუთარ კომპანიაში ხართ დირექტორიც, ბუღალტერიც, რაკლამის სპეციალისტიც და თუ საჭიროა მუშაც ხართ.
შვებულება, სამუშაო დღის დასრულება, შესვენება, მოსაწევად აივანზე გასვლა – ეს ყველაფერი წარსულს ჩაბარდა.
ამიერიდან არავინ არ განგიმარტავთ თუ როგორ უნდა შეასრულოთ სამუშაო. თქვენ საჭიროა ზუსტად გესმოდეთ რა და როგორ უნდა გააკეთოთ, ასევე საჭიროა ეს ყველაფერი აუხსნათ თქვენს თანამშრომლებს.

4. ხელფასი – შემოსავალი.
ამიერიდან არა ხელფასი, არამედ შემოსავალი. მისი ზომა დამოკიდებულია მხოლოდ თქვენზე. თუ თვის მანძილზე ცუდად იმუშავებთ – ფულსაც ნუ დაელოდებით. ნუ ჩაიდებთ ილუზიას თავში იმის შესახებ, რომ სახელმწიფო ან ვინმე სხვა არის დამნაშავე იმაში, რომ ფული არ გაქვთ.

5. რეკლამის მომხმარებელი – რეკლამის დამკვეთი.
სიტუაცია – სარეკლამო რგოლი ტელევიზიაში. სარეცხი საშუალების შესახებ იუწყებიან, რომ ის «აშორებს ცხიმს 32%-ით უკეთესად, ვიდრე ყველა დანარჩენი სარეცხი საშუალებები». მყიდველის რეაქცია: ესენი რა, სულელებად გვთვლიან? ვინ შეამოწმა, რომ «32%-ით უკეთ რეცხავს» – ფიქრობენ, თუ ასე იტყვიან, მათი სარეცხი ფხვნილი უფრო გაიყიდება. და საერთოდ, რა უბედურებაა, ამ რეკლამის გამო ფილმი უკვე მეხუთედ გაწყვიტეს!
გამყიდველის რეაქცია – წარუმატებელი რეკლამა: ყველას დიდი ხანია უკვე მობერზრდა ეს სიტყვები «32%-ით უკეთ». მყიდველებს ამაზე უბრალოდ რეაქციაც არ ექნებათ. მაგრამ ტრანსლაციის დრო სწორად არის შერჩეული – საღამო, როცა ყველა ელევიზორთან ზის. საინტერესოა რა დაუჯდა ეს მათ?
ასე ბევრი მაგალითის მოყვანა შეიძლება. მაგრამ, როცა თქვენ თავს მეწარმედ, ბიზნესმენად იგრძნობთ, პოტენციურად გექნებად შესაძებლობა, რომ დაინახოთ ბიზნეს-იდეები. ამის შემდეგ უკვე იმაზე ფიქრიც შესაძლებელი იქნება, თუ როგორ მოძებნოთ და განავითაროთ ისინი.

Print Friendly, PDF & Email

About author

B2PGE
B2PGE 1494 posts

<p>ჩვენ მაქსიმალურად ვცდილობთ ხელი შევუწყოთ პოზიტიურ აზროვნებას, დავთესოთ ჩვენს საზოგადოებაში კეთილი მარცვლები, მეტი წარმატების ნაყოფის მოსატანად და ამაში ჩვენ მთელ სულს და გულს ვდებთ.</p>

View all posts by this author →

You might also like