ბიზნესის ფსიქოლოგია: როგორ ვიკონტაქტოთ სხვადასხვა ტიპის ადამიანებთან

ბიზნესის ფსიქოლოგია: როგორ ვიკონტაქტოთ სხვადასხვა ტიპის ადამიანებთან

ცნობილი ფსიქოლოგი ჯეიმს ბორგი თავის წიგნში «დარწმუნების ძალა. ადამიანებზე გავლენის მოხდენის ხელოვნება» – გამოყოფს თანამოსაუბრეთა ხუთ ძირითად ტიპს, შესაბამისად, ხუთივე ტიპის ადამიანებთან საჭიროა ურთიერთობის თავისებური მეთოდის გამოყენება – სწორედ ამაშია წარმატებული ურთიერთობის საწინდარი.

1. «რა ხდება მანდ? იჩქარეთ!»
შესაძლებლობების დაკარგვის შიშით ასეთი თანამოსაუბრე მზად არის შანსი მისცეს ნებისმიერს, რომელიც შეძლებს მის დაინტერესებას. თუმცა, მეფური მიღების იმედი არც კი გქონდეთ. მისთვის დრო – ფულია.

პერიოდულად საათზე ყურებისას ის სწრაფად ისაუბრებს და ყურადღებით შეგისწავლით. ასეთი ადამიანისთვის მნიშვნელოვანია სიტუაციის კონტროლი. ასე რომ, არავითარ შემთხვევაში ეცადოთ საუბრისას ინიციატივა წაართვათ!

ურთიერთობის ტაქტიკა
გაითვალისწინეთ: შეხვედრაზე მიწვევისას, ის თავიდანვე პოზიტიურ ფინალზეა განწყობილი. ამიტომ, ეგრევე საქმეზე გადადით. ისაუბრეთ პირდაპირ, მოკლედ და არსებითზე. ზედმეტი საუბარი იმედს გაუცრუებს. თუ შეძლებთ საკუთარი თავის სწორად წარმოჩენას, ნამდვილ «განძს» შეიძენთ. ნუ გაუშვებთ საკუთარ შანსს ხელიდან!

2. «რა სარგებელი მექნება ამ ყველაფრიდან?»
ასეთი ტიპის ადამიანები ძირითადად წერილობითი ფორმით ურთიერთობას აღიარებენ. ურთიერთობას ამჯობინებენ მდივნების დახმარებით, შეხვედრაზე კი ისე თანხმდებიან, თითქოს მოწყალება გაიღეს. მათთან დიალოგი წამებასავითაა – სიტყვებზე მოგსდევთ, გეკამათებათ ყოველ წინადადებაზე: «თქვენ ცდებით, ყველაფერი ასე არ არის, მე საქმის კურსში ვარ» – არ დანებდეთ! ეს მხოლოდ და მხოლოდ ტაქტიკაა იმისათვის, რომ მეტად სასარგებლო წინადადება მიიღოს თავისთვის. სინამდვილეში, ოპონენტმა ბევრი რამ არ იცის, მას მხოლოდ მოსაზრებები აქვს. თუმცა მისი მხილება ამაში არ ღირს!

ურთიერთობის ტაქტიკა
ასეთი ტიპის ადამიანებს ახასიათებთ ზემოდან ყურება და ისინი გრძნობენ საკუთარ უპირატესობას. თქვენ უნდა შეცვალოთ ძალთა ბალანსი. სთხოვეთ მას დივანზე თქვენთან ერთად დაჯდომა, უთხარით, რომ ეს აუცილებელია. მიზეზად შეიძლება ნებისმიერი რამ დაასახელოთ: მაგალითად ზურგის ტკივილი, ან ჩამრთველი გჭირდებათ და ნოუთბუქის კაბელი მოკლეა და ა.შ. იყავით მასტან შემტევი, ცოტა აგრესიულიც და ოპონენტის შეტევებს ნუ მიიღებთ საკუთარ თავზე.

3. «ზედმიწევნით ზუსტი»
მახასიათებელი ნიშნები: ასეთი ტიპის ადამიანი აზროვნებს და საუბრობს ნელა, სიტყვების გაწელვით. თუ ურთიერთობაზე მზაობა გამოთქვა, ეს იმას ნიშნავს, რომ ინფორმაციის მაქსიმუმი მოაგროვა მოლაპარაკების თემასთან, თქვენთან და თქვენს კომპანიასთან დაკავშირებით. ამიტომ, საუბრის თემა ზედმიწევნით ზუსტად უნდა იცოდეთ. თუ გაგაფრთხილებთ, რომ დიალოგი 30 წუთს გაგრძელდება, იცოდეთ, რომ ზუსტად ამ დროის შემდეგ შეწყვეტს თქვენს მოსმენას. დამშვიდობებისას გთხოვთ დაუწეროთ და გადაუგზავნოთ განხილული საკითხების ჩამონათვალი. ასევე გაითვალისწინეთ: ყველაფერი, რაზეც ისაუბრეთ, მას შეიძლება დაავიწყდეს, მაგრამ წერილის შინაარსი დიდხანს დაამახსოვრდება. საბოლოო გადაწყვეტილების მიღებამდე აიღებს ტაიმ-აუტს, კიდევ ერთხელ რომ მოიფიქროს… ან თუნდაც მესამე პირის თანხმობა რომ მიიღოს. ამისათვის საჭირო იქნება კიდევ რამოდენიმე შეხვედრა. შესაძლოა თქვენი და მისი კომპანიის სპეციალისტების მოწვევით. ამიტომ, მოკრიბეთ მოთმინება.


ურთიერთობის ტაქტიკა

მიბაძეთ მას: ისაუბრეთ საშუალო ტემპით და მხოლოდ საქმის გარშემო. მკაფიოდ უპასუხეთ დასმულ შეკითხვებს. არავითარ შემთხვევაში არ შეაყვეტინოთ და არ დააგვიანოთ შეხვედრაზე. მოლაპარაკებების შემდეგ განსაკუთრებული ყურადღება დაუთმეთ შემაჯამებელ წერილს!..


4. «მოდი ყველაფერი პირადად განვიხილოთ»

ასეთი ტიპის ადამიანები ტელეფონზე საუბრისას ყურადღებით გისმენენ და გთავაზობენ შეხვედრის ორგანიზებას. თქვენ თანხმდებით, მიდიხართ და ამით თქვენი თანამოსაუბრის კარგი განწყობა კიდევ უფრო მაღლდება: ის სწრაფად იშორებს ფორმალობებს და გთხოვთ მიმართოთ სახელით, ინტერესდება თქვენით, აქტიურად ჟესტიკულირებს, ქმნის თავისუფალ ატმოსფეროს და გთავაზობთ ყველა საკითხის განხილვას არაფორმალურ გარემოში. თუ ასეთი ტიპის ადამიანს დააინტერესა თქვენი შეთავაზება, ის არ დაიწყებს კატა-თაგვობანას თამაშს და ამაზე თავიდანვე გაამახვილებს ყურადღებას.

ურთიერთობის ტაქტიკა
ასეთ ადამიანთან ურთიერთობის ქონა სასიამოვნოა. ამიტომ, შეეცადეთ თქვენც ისეთივე გულახდილი და გახსნილი იყოთ, როგორც თავად არის და არავითარ შემთხვევაში ბოროტად არ გამოიყენოთ მისი ასეთი დამოკიდებულება.

5. «მოიდი შენობით ვისაუბროთ»
ქცევის მანერის მიხედვით ამ ტიპის ადამიანები წინა ტიპს გვაგონებს. თუმცა, მათ შორის არის არსებითი სხვაობა. თუ მეოთხე ტიპის წარმომადგენელი მოქმედებს სრულიად უანგაროდ, მეხუთე ტიპის წარმომადგენელი იმედს იტოვებს, რომ გამოვლენილი კეთილგანწყობის დახმარებით შეძლებს თქვენს გამოყენებას. ამასთან, დიდი ყურადღებით დაიწყებს თქვენი სავიზიტე ბარათის შესწავლას და თქვენი სტატუსის გარკვევას. რამოდენიმე სხვათაშორის შეკითხვასაც დაგისვამთ გულახდილი საუბრის დაწყების მიზნით. თუ ის გადაწყვეტს, რომ მნიშვნელოვან პიროვნებას ესაუბრება, ჩაისთან ერთად ორცხობილასაც შემოგთავაზებთ. წინააღმდეგ შემთხვევაში თქვენი საუბარი ძალიან ხანმოკლე იქნება…

ურთიერთობის ტაქტიკა
მთელი დიალოგის მანძილზე შეეცადეთ თავშეკავებული იყოთ და რამოდენიმეჯერ მის სახეზე გაჩენილი ღიმილის გამო ნუ დაიწყებთ თქვენი და თქვენი კომპანიის შესახებ ყველაფრის მოყოლას. არ დაკარგოთ თვითკონტროლი. გახსოვდეთ: თქვენ ყურადღებით გაკვირდებიან. მზად იყავით საკუთარი თავი დაიცვათ. ასეთ ადამიანებში თანამოსაუბრის მხრიდან გამოვლენილი თავშეკავებულობა მისდამი პატივისცემას იწვევს.

გამოიწერეთ სიახლეები უფასოდ!

Signup now and receive an email once I publish new content.

I will never give away, trade or sell your email address. You can unsubscribe at any time.

Print Friendly, PDF & Email

ავტორის შესახებ

B2PGE
B2PGE 1522 posts

ჩვენ მაქსიმალურად ვცდილობთ ხელი შევუწყოთ პოზიტიურ აზროვნებას, დავთესოთ ჩვენს საზოგადოებაში კეთილი მარცვლები, მეტი წარმატების ნაყოფის მოსატანად და ამაში ჩვენ მთელ სულს და გულს ვდებთ.

ავტორის ყველ სტატიის ნახვა →

თქვენ ასევე დაგაინტერესებთ

ტესტი: გაიგეთ თქვენი ხასიათის საიდუმლო ფეხის თითების მიხედვით!

ყველა ადამიანი განსხვავდება ერთმანეთისგან და ყველა ჩვენგანი განუმეორებელი პიროვნებაა! არასწორია ადამიანის გარეგნული მონაცემების მიხედვით შეფასება. თუმცა, ხასიათსა და გარეგნობას შორის გარკვეული კავშირი მაინც არის. წინააღმდეგ შემთხვევაში ჩვენ არ ვისუბრებდით «ჭკვიან

Print Friendly, PDF & Email

საგადასახადო კოდექსში დამატებების შეტანის შესახებ

საკანონმდებლო პროექტი საქართველოს საგადასახადო კოდექსში დამატებების შეტანის შესახებ (სამუშაო ვარიანტი) კარი X კეთილსინდისიერი გადამხდელი თავი X გადასახადის გადამხდელის საგადასახადო ისტორია მუხლი X – გადასახადის გადამხდელის საგადასახადო ისტორია 1. გადასახადის გადამხდელის

Print Friendly, PDF & Email

რამოდენიმე რჩევა მოტივაციის ასამაღლებლად მიზნების მიღწევისთვის

იფიქრეთ, განსაჯეთ და დაადგინეთ, ნამდვილად გსურთ კი არჩეული მიზნის მიღწევა? ღირს ეს მიზანი დახარჯულ ძალისხმევად და დროდ? გამოხატეთ თქვენი მიზნები ნათლად და მკაფიოდ. ხშირად იფიქრეთ თქვენს მიზნებსა და მისწრაფებებზე. მოახდინეთ

Print Friendly, PDF & Email

რატომ უმართლებთ ცხოვრებაში და ბიზნესში ოროსნებს უფრო მეტად, ვიდრე ხუთოსნებს?

ყოფილი ხუთოსნები (წითელდიპლომიანები) ცხოვრებაში ძალიან მოკრძალებულ შედეგებს აღწევენ და შემდეგ ამას აბრალებენ ცხოვრების „უსამართლობას“. მათი აზრით უსამართლობა მდგომარეობს იმაში, რომ მათმა კლასელებმა ან ჯგუფელებმა, რომლებიც საშუალოდ სწავლობდნენ მიაღწიეს დიდ შედეგებს.

Print Friendly, PDF & Email

მოგების პრინციპი

მოდით ვიკითხოთ, რაზეა დამოკიდებული კაპიტალი? ეს არის მოგება, რომელიც ზოგიერთს სათაკილო სიტყვად მიაჩნია. ნებისმიერ ეკონომიურ ოპერაციას საფუძვლად მოგება უდევს. ჩვენ ყველაფრის თეორიზირება შეგვიძლია და ისიც შეგვიძლია ვთქვათ, რომ მოგება მიუღებელი

Print Friendly, PDF & Email

ჯეფ ბეზოსის წარმატების 5 საიდუმლო

ჯეფ ბეზოსისა და ინტერნეტ გაყიდვების უდიდესი კომპანიის წარმატების  ისტორია ახალი არაა, თუმცა ის დღემდე აქტუალობას ინარჩუნებს. მაშინ, როცა ბიზნესი მაქსიმალურად ორიენტირებულია უახლეს, ბრწყინვალე იდეებზე ამაზონმა საკუთარი მომავალი 1997 წელს შექმნილ

Print Friendly, PDF & Email