10 რჩევა უკეთესად ფიქრისთვის! (მეცნიერთა დამტკიცებით)

10 რჩევა უკეთესად ფიქრისთვის! (მეცნიერთა დამტკიცებით)

1. ყურადღება მიაქციეთ საკუთარ ემოციებს
ჩვენი ცნობიერება მცირედი ნაწილია იმისა, რაც ჩვენს თავებში ხდება. ნებისმიერ მომენტში ტვინი ამუშავებს ელვის სისწრაფით უზარმაზარ ინფორმაციას – ასე სწრაფად ყველაფრის გაცნობიერებას ადამიანი ვერანაირად ვერ შეძლებს. ინფორმაციის გადამუშავებით მიღებულ შედეგებზე დაყრდნობით ტვინი ახდენს ემოციების გენერირებას. ნუ დააიგნორებთ ამ მნიშვნელოვან მინიშნებას – თქვენს პირად სუპერკომპიუტერს ყოველთვის რაღაცის თქმა უნდა.

2. ნუ იფიქრებთ გარემოებების ზეწოლის ქვეშ
იმ დროს, როცა თქვენგან მოითხოვება მხოლოდ მოქმედება, უკვე აზრი არ აქვს საკუთარი მეთოდების განხილვას. „თვითმფრინავი აფრინდა – გვიანია საწვავის მარაგის შემოწმება“. რაიმე ხელობის შესწავლაზე დროის დახარჯვისას (და ამას დრო ყოველთვის სჭირდება), ჩვენ უნდა დავეყრდნოთ საკუთარ ავტომატიზმს და შევასრულოთ ქმედებები სწრაფად და ეფექტურად.

3. განიხილეთ ალტერნატივა
ეს მეთოდი ხშირად გამოიყენება პოკერის მოთამაშეების მიერ, როცა ეჭვობენ, რომ პარტნიორი იტყუება. ჩავთვალოთ, რომ პარტნიორი „არ იტყუება“, ამის შემდეგ ტვინი დაიწყებს ყველა ნიშნის მკვეთრად გაფილტვრას (საუბრის მანერა, მიმიკა და ა.შ.), რომლებიც წინააღმდეგობაში მოდის იმ ფაქტთან, რისიც ჩვენ გვჯერა.

4. დააყენეთ ეჭვქვეშ თქვენი ჩვევები
თუ თქვენ გიყვართ კარგი ღვინო – არ არსებობს არანაირი კავშირი მის ფასსა და იმას შორის, რამდენად ძლიერ მოგეწონებათ ის. იგივეა პარფიუმერიასთან, ფილმებთან, წიგნებთან დაკავშირებით. გაარკვიეთ პირადად თქვენ რა გინდათ და მიიღეთ მეტი სიამოვნება ცხოვრებისგან.

5. მიიღეთ შხაპი ხანგრძლივად
კვლევები ადასტურებს, რომ ხშირად პრობლემის გადაწყვეტის საუკეთესო იდეა მოდის ხანგრძლივი სეირნობის ან შხაპის მიღებისას. ეს იდეები მიიღება ტვინის მაჯვენა სფეროს აქტივობის პიკზე, ხოლო აზროვნება იდეალურად მუშაობს ტვინის ამ ნაწილთან, განსაკუთრებით მაშინ, როცა ის სტრესისაგან თავისუფალია.

6. სკეპტიკურად მიუდექით მოგონებებს
მეცნიერებმა დაამტკიცეს, რომ ადამიანის მეხსიერება გასაოცრად არაგულწრფელია. თავად მოგონების ფაქტი რაიმე მოვლენაზე ცვლის ინფორმაციას ამ მოვლენის შესახებ ჩვენს ტვინში – იცვლება დეტალები და აღწერილობა. რაც უფრო მეტს ფიქრობთ, მით უფრო ნაკლებდამაჯერებელი ხდება ეს მოვლენები როგორც საფუძველი რაიმე გადაწყვეტილების მისაღებად. ამიტომ ნამდვილად არ ღირს თქვენი შვილის დაბადების დღე მოაწყოთ იმ მოგონებებზე დაყრდნობით, როგორიც თავად გქონდათ, მაგალითად 7 წლის ასაკში.

7. ნუ გააკეთებთ გათვლას იდეალურ სხეულზე და სუპერაზროვნებაზე ერთდროულად
გაირკვა, რომ ტვინის ნაწილები, რომლებიც პასუხს აგებენ ნებაზე და აზროვნებაზე მალე იფიტება. მარტივმა ექსპერიმენტმა აჩვენა, რომ ადამიანი, რომელსაც სთხოვეს შვიდნიშნა ნომრის დამახსოვრება, შემდეგ შესთავაზეს შეეჭამა სალათი ან შოკოლადის ტორტი – მან აირჩია ტორტი. ხოლო მან, რომელსაც სთხოვეს დაემახსოვრებინა მხოლოდ ერთი ციფრი, უყოყმანოდ აირჩია სალათი. პირველ ჯგუფში „ტვინის დაძაბვა“ ამოიწურა. გახსოვდეთ, თქვენ შეგიძლიათ ყველაფერი აკეთოთ, მაგრამ არა ყველაფერი ერთდროულად!

8. იმუშავეთ შეცდომებზე
წარმატებული ადამიანების ერთ-ერთი საერთო ნიშანია ის, რომ ყველა მათგანი ცდილობს მობილიზდეს საკუთარ შეცდომებზე. მაშინაც კი, როცა ისინი კარგად ასრულებენ თავიანთ საქმეს, ყოველთვის ამბობენ, რომ შეეძლოთ უკეთ გაეკეთებინათ. ეს რა თქმა უნდა ბედნიერების რეცეპტი არ არის, მაგრამ ძალიან მნიშვნელოვანი ცხოვრებისეული გამოცდიელბისა და სწავლის პროცესია, რამდენადაც ტვინის უჯრედები „არკვევენ“ როგორ მოახერხონ სწორი ანალიზის საფუძველზე შეცდომების გამოვლენა.

9. იარეთ და იოცნებეთ
დაივიწყეთ ეფექტურობა. მეცნიერებმა აღმოაჩინეს, რომ ოცნებები შემოქმედების მნიშვნელოვანი შემადგენელი ნაწილია. ისინი იწვევენ ტვინის ქსელში აქტივობის პიკს, რომელიც აერთიანებს მის ნაწილებს და წარმოქმნის ახალ კავშირებს. მეოცნებე რეალურად დიდი საქმეს აკეთებს.

10. იფიქრეთ აზროვნებაზე
დადასტურებულია, რომ სწორი გადაწყვეტილების საფუძველი არის არა ინტელექტი და გამოცდილება, არამედ ამ გადაწყვეტილების მიღების გადაწყვეტა. ტვინი, როგორც შვეიცარიული სამხედრო დანა სავსეა სხვადასხვა ინსტრუმენტებით. იფიქრეთ იმაზე, თუ რომელი მათგანი შეეფერება ყველაზე მეტად მოცემულ ეტაპზე არსებული ამოცანის გადაჭრას.

Print Friendly, PDF & Email

About author

B2PGE
B2PGE 1505 posts

ჩვენ მაქსიმალურად ვცდილობთ ხელი შევუწყოთ პოზიტიურ აზროვნებას, დავთესოთ ჩვენს საზოგადოებაში კეთილი მარცვლები, მეტი წარმატების ნაყოფის მოსატანად და ამაში ჩვენ მთელ სულს და გულს ვდებთ.

View all posts by this author →

You might also like