10 ნაბიჯი თვითმყოფადობისკენ

10 ნაბიჯი თვითმყოფადობისკენ

თუ თქვენ მოგბეზრდათ დინების მიმართულებით ცურვა და არ გყოფნით ცხოვრებაში ე.წ. დრაივი – ეს იმას ნიშნავს, რომ დროა გადახვიდეთ ჩვეული გზიდან და გაუყვეთ თვითმყოფადობის ბილიკს. ეს მარტივი არაა, თუმცა ყველას შეუძლია. მთავარია სურვილი და დაწყება. როგორ უნდა გააკეთოთ ეს, ამას გირჩევთ ჯონ ეიკაფი – ადამიანი, რომელიც დიდი ხანია ახლოს არის თვითმყოფადობასთან.

1. მოძებნეთ ჩვეულებრიობა
გადაწყვიტეთ ჩვეულებრიობას დაემშვიდობოთ? მშვენიერია. პირველ რიგში მოძებნეთ ის. დააკვირდით, ცხოვრების რომელმა სფეროებმა გიმტყუნათ? ჩაინიშნეთ ისინი. მალე დაგჭირდებათ.

2. დაუნდობელი კეთილსინდისიერება საკუთარ თავთან
თუ ცვლილებების გზას დაადექით — დატოვეთ უკან საკუთარი თავის მოტყუება და ილუზიები. იყურეთ პირდაპირ – ვინ ხართ? შეგიძლიათ სოციალური როლებით დაიწყოთ: შვილი, მამა, ძმა. განსაზღვრეთ? ახლა დაფიქრდით, რამ შეიძლება შეგზღუდოთ ან შეგაკაოთ – იპოთეკამ, კრედიტებმა თუ სამხედრო მოვალეობამ? მზად არის პასუხები? ახლა განსჯის სასიამოვნო ეტაპი იწყება – იფიქრეთ საკუთარ მიღწევებზე და შესაძლებლობებზე. გულახდილი და დეტალური პასუხები დაგანახვებთ თქვენი ცხოვრების ნათელ სურათს.

3. იოცნებეთ თამამად
ნუ შეგაშინებთ მომავალი. ნუ მოუსმენთ შინაგან ხმას, თუ ის გეუბნებათ, რომ მიზანს ვერ მიაღწევთ. იოცნებეთ, ჩაიწერეთ თქვენი სურვილები. ასე მომავალ კვირაში უამრავი წინგადადგმული ნაბიჯი გექნებათ საკუთარი სურვილების და მიზნების მიღწევის გზაზე.

4. მოძებნეთ ბალანსი
თვითმყოფადობის მისაღწევად არ არსებობს მარტივი გზა. სამაგიეროდ, ყოველთვის არსებობს წინააღმდეგობა ცხოვრებისეულ რეალიებსა და გიჟურ ოცნებებს შორის.
აღიარეთ ეს და დაიცავით «ოქროს შუალედი» — ნუ ჩაეფლობით საზრუნავში ისე, რომ საკუთარი თავი დაივიწყოთ, ნურც ეგოისტი გახდებით, მხოლოდ პირად სურვილებზე კონცენტრაციის გამო.

5. მიზანი — მოგზაურობის ბოლო წერტილი არ არის
ცხოვრებაში საკუთარი მიზნის ნახვა — ერთ-ერთი ყველაზე არაკეთილშობილური საქმიანობაა. თან თუ ამ დროს ფიქრობთ, რომ ცხოვრებაში მიზანი მხოლოდ ერთი უნდა იყოს და ის ახალგაზრდობაშივე უნდა განისაზღვროს – ამით რისკავთ სამუდამოდ ჩაეფლოთ ყოველდღიურობის ჭაობში.
დაივიწყეთ, რომ მიზანს უნდა მიაღწიოთ. ეს უსასრულო პროცესია, რომელიც გამოგფიტავთ. ამის ნაცვლად, იცხოვრეთ მიზნით. გააკეთეთ ის, რაც მნიშვნელოვნად მიგაჩნიათ, ის, რისგანაც იღებთ სიამოვნებას.

6. დაიწყეთ
ბანალურია, მაგრამ ყოველი გზა სოწრედ პირველი ნაბიჯით იწყება. დაუბრუნდით სიას, რომელიც დასაწყისში შეადგინეთ და ყოველი პუნქტისთვის ჩამოწერეთ პირველი ნაბიჯები. საჭირო არ არის რაიმე გლობალური – პატარა ნაბიჯები საკმარისია. დაიწყეთ. განაახლეთ რეზუმე, 10 წუთით ადრე გაიღვიძეთ დილით, რამოდენიმე კილოგრამი დაიკელით წონაში. პირველი ნაბიჯი – საქმის ნახევარია.

7. სჯობს ცოტა, ვიდრე არაფერი
ეს სიტყვები არასოდეს დაივიწყოთ. თუ არ გაქვთ დრო 20 ახალი უცხო სიტყვის შესწავლისთვის – შეისწავლეთ ხუთი. თუ ხუთ კილომეტრს ვერ გაირბენთ – გაირბინეთ ერთი. სჯობს ცოტა, ვიდრე არაფერი.

8. ფინიში — ყოველთვის უცნობია
არავინ იცის სად აღმოჩნდება ის ხვალ. ნუ გექნებათ იმის იმედი, რომ შეძლებთ ყველა თქვენი ქმედების შედეგების გათვლას, ან ყოველი ნაბიჯი იქ მიგიყვანთ, სადაც დაგეგმილი გქონდათ. არასოდეს გაჩერდეთ.

9. შეამოკლეთ გზა
თვითმყოფადობისკენ მიმავალი გზა რთული და გრძელია. თუმცა მისი შემოკლება სრულიად შესაძლებელია. ამის ყველაზე მარტივი საშულებაა საკუთარ გარემოცვაში ისეთი ადამიანის პოვნა, ვინც უკვე გაიარა ეს გზა. სთხოვეთ მას გამოცდილება გაგიზიაროთ და არ დაგავიწყდეთ მადლობის თქმა!

10. ცნობადობა და თვითმყოფადობა
თვითმყოფადობა არ განისაზღვრება დიდებით, ფულით და თაყვანისმცემლების რაოდენობით. თვითმყოფადობა წერს ცნობილ წიგნებს, მაშინაც კი, თუ მათ არავინ წაიკთხავს. მღერის, მაშინაც კი, როცა არავინ უსმენს, რადგან სხვაგვარად არ შეუძლია. რაც ყველაზე მნიშვნელოვანია – ეს არის იმ გზით სიარული, რომელიც თქვენ მოგწონთ.  და რაც მთავარია, ეს ოსტატურად უნდა გააკეთოთ.
თუ თქვენ ასე იცხოვრებთ, წარმატების გარე ატრიბუტები გადაიქცევა ბედნიერების ძირითადი კერძის საწებლად და არა მის შემადგენელ ძირითად ინგრედიენტად. შეიგნეთ ეს და დაიწყეთ თვითმყოფადი ცხოვრება ამ წამიდან!

Print Friendly, PDF & Email

About author

B2PGE
B2PGE 1489 posts

ჩვენ მაქსიმალურად ვცდილობთ ხელი შევუწყოთ პოზიტიურ აზროვნებას, დავთესოთ ჩვენს საზოგადოებაში კეთილი მარცვლები, მეტი წარმატების ნაყოფის მოსატანად და ამაში ჩვენ მთელ სულს და გულს ვდებთ.

View all posts by this author →

You might also like