თუ გინდა, რომ ბედნიერი იყო

თუ გინდა, რომ ბედნიერი იყო

თუ გინდა, რომ ბედნიერი იყო,– უნდა მოიპოვო ბედნიერების შენი საკუთარი წილი. ოღონდ, სუფთა თამაშით უნდა ითამაშო,რომ მიღწეულის სიხარულით ტკბობა შეძლო...

თუ გინდა, რომ ბედნიერი იყო,– უნდა მოიპოვო ბედნიერების შენი საკუთარი წილი. ოღონდ, სუფთა თამაშით უნდა ითამაშო,რომ მიღწეულის სიხარულით ტკბობა შეძლო…

ცხოვრება ბრძოლაა და თუ არ იბრძოლებ, გაუჩინარდები…

არასოდეს არ დაკარგო იმედი,თავი,რწმენა და დრო… გჯეროდეს სამართლიანობის, რადგან “სანთელ–საკმეველი გზას არ კარგავს”!…

არ შეგაშინოს ცხოვრების ეკლებმა, იმიტომ რომ მათში ხშირად ვარდები იმალება…კარგი და ცუდი კი, ყოველთვის იარსებებს, რადგან ცხოვრება ბრძოლაა სიკეთესა და ბოროტებას შორის… ხან ერთი იმარჯვებს, ხან მეორე, მოსპობით კი არც ერთი არ მოისპობა, რადგან ცხოვრებისთვის ორივე თანაბრადაა საჭირო.ერთი მეორის საზომია… ბოროტება რომ არსებობს ამიტომ ვაფასებთ სიკეთეს… ზოგჯერ, გული ცრემლებად უნდა დაიღვენთოს, რომ მიხვდე, ღიმილი რამხელა ბედნიერებაა…

აღმართი გაჭირვებით უნდა აიარო, რომ შეიგრძნო რას ნიშნავს მწვერვალზე დგომა. ხანდახან უნდა წაიქცე კიდეც, რომ ადგომის ფასი გაიგო…

სხვანაირად ადამიანად ვერ იქცევი…

მთავარია, არასოდეს დანებდე, იბრძოლე ბედნიერებისთვის, იცხოვრე მართალი ცხოვრებით და იყავი სხვებისთვის მაგალითი… არა მარტო სიტყვით, არამედ შენი ცხოვრების წესითაც.

გახსოვდეს, რომ ადამიანი, რომელსაც აქვს მხოლოდ სიტყვა, მაგრამ არ გააჩნია საქმე, ხის მსგავსია, რომელსაც ფოთლები აქვს, მაგრამ ნაყოფი – არა.ამიტომ, ნუ იქნები გზაზე დამდგარი სვეტი, რომელიც ქალაქის გზას მიუთითებს, მაგრამ თავად ადგილიდან არ იძვრის… არამედ იყავი წინამძღოლი, რომელიც სხვებსაც უჩვენებს გზას და თავადაც წინ მიდის. იარე უკეთესი მომავლისკენ, არასოდეს შეჩერდე, იბრძოლე ბედნიერებისთვის!

Print Friendly, PDF & Email

ავტორის შესახებ

B2PGE
B2PGE 1511 posts

ჩვენ მაქსიმალურად ვცდილობთ ხელი შევუწყოთ პოზიტიურ აზროვნებას, დავთესოთ ჩვენს საზოგადოებაში კეთილი მარცვლები, მეტი წარმატების ნაყოფის მოსატანად და ამაში ჩვენ მთელ სულს და გულს ვდებთ.

ავტორის ყველ სტატიის ნახვა →

თქვენ ასევე დაგაინტერესებთ